किनवटच्या पत्रकारितेची धुरा आता महिला नेतृत्वाकडे; परवीन शेख यांची तालुकाध्यक्षपदी ऐतिहासिक निवड तर सचिवपदी बि. व्हि. वावळे
किनवट (प्रतिनिधी):बि, व्हि, वावळे
बदलते नेतृत्व आणि प्रगतीचे पाऊल टाकत, किनवट येथील शासकीय विश्रामगृह येथे आयोजित बैठकीत 'पुरोगामी पत्रकार संघ महाराष्ट्र' (तालुका किनवट) च्या अध्यक्षपदी तालुक्यातील एकमेव महिला पत्रकार परवीन शेख यांची सर्वानुमते निवड करण्यात आली आहे. महिला नेतृत्वाकडे ही महत्त्वाची जबाबदारी सोपवल्याने तालुक्यातील पत्रकार वर्तुळात उत्साहाचे वातावरण आहे.
निवडीनंतर बोलताना परवीन शेख यांनी, "तालुक्यातील पत्रकारांच्या अडीअडचणी व समस्या सोडवण्यासाठी आपण सदैव कटिबद्ध राहू," असे आश्वासन दिले.
मान्यवरांची उपस्थिती
या निवडप्रसंगी राज्य अध्यक्ष शंकर सिंह ठाकूर (नांदेड), राज्य संपर्कप्रमुख मारुती शिकारे सर आणि नांदेड जिल्हा अध्यक्ष दीपक मठपती यांची प्रमुख उपस्थिती होती. मान्यवरांचे किनवट तालुक्याच्या वतीने शाल व श्रीफळ देऊन उत्साहात स्वागत करण्यात आले.
पत्रकार संघाच्या बळकटीसाठी खालीलप्रमाणे नवीन कार्यकारिणी जाहीर करण्यात आली:
अध्यक्ष: परवीन शेख
उपाध्यक्ष: पवन खराटे, वशिम शेख
सचिव: बी. व्ही. वावळे
सहसचिव: वैभव पडवाळ
संघटक: राहुल पाटील, ज्ञानेश्वर चाटे
तालुका कार्याध्यक्ष: सुजाता भरणे
कोषाध्यक्ष: संदीप गायकवाड
सहकोषाध्यक्ष: मांगीलाल राठोड
सदस्य: रामेश्वर दुडुळे, रविराज कानिंदे , कैलास राठोड
पत्रकारांच्या हक्कासाठी आणि त्यांच्या समस्यांसाठी ही कार्यकारिणी सदैव तत्पर राहील, असा विश्वास यावेळी व्यक्त करण्यात आला. नूतन कार्यकारिणीवर सर्वच स्तरातून अभिनंदनाचा वर्षाव होत आहे.
Comments
Post a Comment