गरजवंत रुग्णांनी AIIMS नागपूर येथे वैद्यकीय कक्षाचा लाभ घ्यावा - अमन कुंडगीर

किनवट:-

मा.खा.पद्मश्री डॉ.विकास महात्मे सोशल फाऊंडेशनच्या माध्यमातून वैद्यकीय सहाय्यता सेलची स्थापना अमन कुंडगीर बनले आरोग्य दूत

अखिल भारतीय आयुर्विज्ञान संस्थान नागपूर AIIMS मध्ये अल्पदरात उपचार

आजारग्रस्त रुग्णांनी वैद्यकीय सहाय्यता कक्षाचा लाभ घ्यावा, 47 क्रमांकाच्या कंट्रोल रुमवर चौकशी करावी - अमन कुंडगीर

नागपूर/किनवटः रुग्ण सेवा हीच ईश्‍वर सेवा हे ब्रीद मानुन अखिल भारतीय आयुर्विज्ञान संस्थान, नागपूर येथे मा.खा.पद्मश्री डॉ.विकास महात्मे सोशल फाऊंडेशनच्या वतीने गंभीर आजाराने ग्रस्त किंवा उपचारासाठी आर्थिकदृष्ट्या कमकुवत असलेल्या असलेल्या रुग्णांसाठी वैद्यकीय सहाय्यता सेल स्थापन करण्यात आला आहे. ज्यामुळे गरीब व गरजू रुग्णांना याचा मोठा फायदा होत आहे. तरी गंभीर रुग्णांनी याचा लाभ घ्यावा, असे आवाहन धनगर समाज संघर्ष समिती महाराष्ट्र राज्य चे युवक प्रदेशाध्यक्ष अमन कुंडगीर यांनी केले आहे.

      अखिल भारतीय आयुर्विज्ञान संस्थान मध्ये आरोग्याच्या समस्या असलेल्या गंभीर स्वरुपाच्या रुग्णांच्या मदतीसाठी 47 क्रमांकाचे कंट्रोल रुम स्थापन करण्यात आले आहे. रुग्णांनी एम्स रुग्णालयात डॉक्टरांच्या तपासणी नंतर 47 क्रमांकाच्या कंट्रोल रुमवर जावून आजाराची माहिती द्यावी, त्यानंतर वैद्यकीय सहाय्यता सेल आपणास मदत करेल. गंभीर आजाराच्या आरोग्य सुविधा बीपीएल पिवळे रेशनकार्ड धारकांसाठी मोफत असून इतरांना अगदी कमी दरात आरोग्य सुविधा उपलब्ध करून देण्यात आली आहे. ज्यामुळे रुग्ण मुंबई, पुणे, हैद्राबाद येथे अधिक पैसे खर्च न करता एम्स नागपूर येथे मा.खा.पद्मश्री डॉ.विकास महात्मे सोशल फाऊंडेशनच्या माध्यमातून कमी दरात आपला उपचार करुन घेवू शकतात. फाऊंडेशच्या माध्यमातून रुग्णांनी वैद्यकीय सुविधा मिळवून घेण्यासाठी वैद्यकीय सहाय्यता सेलचे महाराष्ट्र प्रमुख अमन कुंडगीर यांच्या 7588526670 या क्रमांकावर संपर्क करण्याचे आवाहन करण्यात आले आहे. मा.खा.पद्मश्री डॉ.विकास महात्मे सोशल फाऊंडेशनमुळे अनेक रुग्ण एम्स नागपूर येथे जावून अल्पदरात आरोग्य सुविधा घेत आहे. फाऊंडेशनच्या माध्यमातून उपचार घेणार्‍या रुग्णांनी एम्सचे अध्यक्ष मा.खा.पद्मश्री विकास महात्मे व फाऊंडेशनचे आभार मानले आहे. 

आपल्या भागातील रुग्णांना आरोग्य सुविधा मिळाव्या यासाठी महाराष्ट्रातील धनगर समाज संघर्ष समितीच्या सर्व जिल्हाध्यक्ष व पदाधिकार्‍यांनी आपल्या भागातील रुग्णांची आरोग्य विषयक समस्या जाणून घेवून त्याची सविस्तर माहिती भरून रुग्णांना एम्स रुग्णालयात पाठवावे व त्यांच्या आरोग्य विषयक समस्या सोडवाव्या. जेणेकरून गंभीर रुग्णांना कमी पैशात उपचार करून घेता येईल. 

      माहूर तालुक्यातील आसोली येथील रुग्ण माधव हिरामण राठोड हे गंभीर असल्याने उपचारासाठी नागपूर येथे जाणे अत्यंत गरजेचे होते. त्यांनी युवक प्रदेशाध्यक्ष अमन कुंडगीर यांचेशी संपर्क केला असता त्यांनी केवळ एका फोनवर त्यांना तातडीची सुविधा उपलब्ध करून दिल्याने माधव राठोड यांनी त्यांचे आभार मानले.या कार्याचे आमदार भीमराव केरम व मा.नगराध्यक्ष आनंद मच्छेवार यांनी अभिनंदन व कौतुक केले.

     अखिल भारतीय आयुर्विज्ञान संस्थान, नागपूर येथे मा.खा.पद्मश्री विकास महात्मे सोशल फाऊंडेशनच्या वतीने वैद्यकीय सहाय्यता सेल स्थापनं करण्यात आल्याने याचा रुग्णांना लाभ होत असल्याने धनगर समाज संघर्ष समिती महाराष्ट्र राज्यचे युवक प्रदेशाध्यक्ष अमन कुंडगीर यांनी AIIMS नागपूरचे अध्यक्ष मा.खा.पद्मश्री डॉ.विकास महात्मे यांचे आभार मानले आहे. 

    वैद्यकीय सहाय्यता सेलच्या महाराष्ट्र प्रमुखपदी अमन कुंडगीर यांची नियुक्ती करण्यात आली असून सामाजिक कार्याची पावती म्हणून या माध्यमातून महाराष्ट्रातील रुग्णांच्या आजाराचे प्रश्‍न सोडवण्यासाठी व गरजु रुग्णांना मदत पुरवण्यासाठी ते प्रयत्नशील आहेत. आरोग्य विषयक कुठलीही समस्या असेल तर मा.खा.पद्मश्री डॉ.विकास महात्मे सोशल फाऊंडेशनच्या वैद्यकीय सहाय्यता सेलशी रुग्णांनी पत्रव्यवहार केल्यानंतर सहाय्यता प्रमुख मदत पुरविण्यासाठी मदत करतील. रुग्णांनी पत्रव्यवहार करुन आरोग्य सुविधा मिळवून घ्याव्यात.

मा.खा.पद्मश्री डॉ.विकास महात्मे सोशल फाऊंडेशनच्या कामाची पावती म्हणून केवळ माझ्या एका फोनवर अनेक रुग्णाला एम्स नागपूर येथे मदत मिळाली. फाऊंडेशनच्या माध्यमातून रुग्णसेवा करण्याची जी संधी मला मिळाली त्यामुळे मा.खा.पद्मश्री डॉ.विकास महात्मे यांचा खूप खूप आभारी आहे आणि यात सहकार्य करणारे राकेश पाटील आणि प्रशांत निवांत यांचेसह सर्व सहकार्‍यांचा मी आभारी आहे. 

-अमन कुंडगीर, महाराष्ट्र प्रमुख, मा.खा.पद्मश्री डॉ.विकास महात्मे सोशल फाऊंडेशन 

(AIIMS नागपूर) तथा युवक प्रदेशाध्यक्ष, धनगर समाज संघर्ष समिती, म.रा. 7588526670