औद्योगिक प्रशिक्षण संस्था किनवट येथील मानव कांबळे हा विद्यार्थी औरंगाबाद विभागातून तिसरा..

 

(किनवट ता. प्र.)

औद्योगिक प्रशिक्षण महासंचालनालयाच्या (डीजीटी) वतीने घेण्यात आलेल्या कॉम्प्यूटर ऑपरेटर अँड प्रोग्रामिंग असिस्टंटच्या (कोपा) परीक्षेत नांदेड जिल्ह्यातील किनवट येथील शासकीय औद्योगिक प्रशिक्षण संस्थेचा (आदिवासी) विद्यार्थी मानव रवि कांबळे हा गुणवत्ता यादीत औरंगाबाद विभागातून तिसरा आला आहे.

ऑगस्ट २०२२ मध्ये प्रशिक्षण महासंचालनालयाच्या वतीने क्राफ्ट्समन ट्रेनिंग स्कीमच्या परीक्षा घेण्यात आल्या होत्या. या परीक्षेत कॉम्प्यूटर ऑपरेटर अँड प्रोग्रामिंग असिस्टंट (एनएसक्यूएफ -०४) ट्रेडचा विद्यार्थी मानव रवि कांबळे याने ६०० पैकी ५५१ गुण संपादित केले. त्याने मिळवलेल्या गुणांची टक्केवारी ९१.८३ टक्के आहे. या परीक्षेची गुणवत्ता यादी नुकतीच जाहीर झाली असून मानव कांबळे हा गुणाक्रमे औरंगाबाद विभागातून तिसरा तर राज्यातून २९ वा आला आहे. या यशाबद्दल मानवचे  औद्योगिक प्रशिक्षण संस्था किनवट चे प्राचार्य  श्री.जी.जी पाटनुरकर, फोरमेन श्री.पोवळे के डब्ल्यू, निदेशक श्री. जाधव एच.टी, बी आर आरेवार ,कोपा निदेशक लक्ष्मीकांत दुथडे, वरिष्ठ लिपिक ए व्ही वारघडे, श्रीमती बावगे मॅडम, सौ धोंगडे मॅडम व इतर कर्मचारी स्टाफ सर्वत्र  सर्व ट्रेड मधील विद्यार्थ्यांच्या वतीने कौतुक होत आहे.