तालुका विधी सेवा समिती , वकील संघाच्या वतीने न्यायालयात मराठी भाषा संवर्धन पंधरवाडा कार्यक्रम संपन्न

किनवट, ता. २१( बातमीदार):

आता जवळपास सर्वच कामे मराठीत करण्याचे प्रयत्न न्यायालयात होत आहेत. पुढच्या पिढीला शुद्ध भाषा देण्यासाठी मराठीतच व्यवहार करावा व मराठी भाषा समृद्ध करावी, असे आव्हान दिवाणी न्यायाधीश जहांगीर पठाण यांनी केले आहे.

तालुका विधी सेवा समिती व वकील संघाच्या वतीने आज( ता.२१) न्यायालयात मराठी भाषा संवर्धन पंधरवडा कार्यक्रम आयोजित करण्यात आला होता. यानिमित्त ते अध्यक्षीय समारोप करताना बोलत होते.

यानिमित्त बोलताना सहदिवाणी न्यायाधीश जयंत जे. एन. जाधव म्हणाले की, सर्वोच्च न्यायालयाने आता निवाडे हे प्रादेशिक भाषेतून देण्यास सुरुवात केली आहे. न्यायालयातही आता जास्तीत जास्त मराठी भाषेचा वापर होत आहे.

यावेळी एड. अरविंद चव्हाण व एड. सुभाष ताजणे यांनी आपले विचार मांडले. प्रास्ताविक वकील संघाचे सचिव एड. दिलीप काळे यांनी केले, तर आभार प्रदर्शन सहसचिव अड. राहुल सोनकांबळे यांनी केले.

यावेळी अड. अनंत वैद्य, अड. यशवंत गजभारे, एड. एन. एच. ठाकूर, एड. टी.आर चव्हाण, एड. पंकज गावंडे एड. अभिजीत वैद्य, एड. नेमानीवार, अड. उदय चव्हाण एड. मिलिंद सरपे यांच्यासह पक्षकार व न्यायालयीन कर्मचाऱ्यांची उपस्थिती होती.

कार्यक्रमाच्या यशस्वीतेसाठी न्यायालयीन कर्मचाऱ्यांनी पुढाकार घेतला होता.

Comments

महापरिनिर्वाण दिनानिमित्त अक्षरोदय साहित्य मंडळाचे कविसंमेलन

नांदेड : महामानव डॉ. बाबासाहेब आंबेडकर यांच्या महापरिनिर्वाण दिनानिमित्त 'अक्षरोदय साहित्य मंडळ, महाराष्ट्र राज्य' या प्रतिष्ठित साहित्य संस्थेतर्फे १४ डिसेंबर २०२५ रोजी दुपारी ३ वाजता माता रमाई आंबेडकर बुद्ध विहार, सहयोग नगर, नांदेड येथे कविसंमेलनाचे आयोजन केले आहे. कविसंमेलनाचे अध्यक्षस्थानी चंद्रकांत चव्हाण हे राहणार असून, प्रमुख पाहुणे डॉ. भीमराव हटकर, अनुरत्न वाघमारे आणि प्रमुख पाहुण्या जया सूर्यवंशी हे उपस्थित राहणार आहेत. साहित्य, समाजकारण आणि बौद्ध संस्कृती यामध्ये योगदान देणाऱ्या या मान्यवरांच्या उपस्थितीमुळे कार्यक्रमाला विशेष महत्त्व प्राप्त झाले आहे. या कविसंमेलनात राज्यभरातील विख्यात, लोकप्रिय आणि उदयोन्मुख कवी मोठ्या संख्येने सहभागी होत आहेत. त्यात प्रमुख पंडित पाटील बेरळीकर, प्रज्ञाधर ढवळे, नागोराव डोंगरे, रुपाली वाघरे, अशोक कुबडे, दत्ता वंजे, शिवाजी होळकर, जाफर आदमपूरकर, थोरात बंधू, आ. ग. ढवळे, महेंद्र भगत, निवृत्ती लोणे, शैलेश कवठेकर, चंद्रकांत कदम, दिगंबर कानोले, गजानन हिंगमिरे, अंजली मुनेश्वर, रुचिरा बेटकर, सुमेध घुगरे, बाबुराव पाईकराव, साईनाथ रहाटकर, संजय ...

किनवट नगर परिषदेच्या स्वीकृत सदस्यपदी प्रशांत कोरडे यांची बिनविरोध निवड.

जो मै बोलता हू,ओ मै करता हू..!करण एंड्रलवार यांच्या उत्स्फूर्त प्रतिक्रिया तालुका प्रतिनिधी किनवट : किनवट नगर परिषदेतील महाविकास आघाडीच्या कोट्यातील रिक्त असलेल्या स्वीकृत सदस्य पदासाठी आज अत्यंत उत्साही वातावरणात निवडणूक प्रक्रिया पार पडली. या निवडणुकीत शिवसेना (उबाठा) गटाचे शहर प्रमुख आणि युवानेते करण एंड्रलवार यांचे खंदे समर्थक प्रशांत सुरेशराव कोरडे यांची स्वीकृत सदस्य म्हणून बिनविरोध निवड झाल्याचे घोषित करण्यात आले. जिल्हाधिकारी राहुल कर्डिले यांच्या आदेशानुसार, आज किनवट नगर परिषदेच्या सभागृहात ही निवड प्रक्रिया पार पडली. महाविकास आघाडीच्या वतीने प्रशांत कोरडे यांचा एकमेव नामांकन अर्ज दाखल झाल्यामुळे पीठासीन अधिकारी तथा नगराध्यक्षा सौ. सुजाता विनोद एंड्रलवार यांनी त्यांची अधिकृत निवड झाल्याची घोषणा केली. नगरपरिषदेच्या निवडणुकीवेळी करण एंड्रलवार यांनी प्रशांत कोरडे यांना स्वीकृत नगरसेवकपदाचा शब्द दिला होता. आज तो शब्द पूर्ण केला असुन 'जे बोलतो, ते करून दाखवतो', हे त्यांनी आपल्या कृतीतून सिद्ध केले आहे. प्रशांत कोरडे यांच्या निवडीनंत...

महिंद्रा प्राइड क्लासरूम तीन दिवसीय कार्यशाळा संपन्न; प्रमाणपत्र वितरण सोहळा उत्साहात

किनवट : महिंद्रा प्राइड क्लासरूम व नांदी फाउंडेशन यांच्या संयुक्त विद्यमाने आयोजित तीन दिवसीय कार्यशाळा यशस्वीरित्या संपन्न झाली. या कार्यशाळेद्वारे विद्यार्थ्यांना विविध रोजगाराभिमुख कौशल्यांचे प्रशिक्षण देण्यात आले. कार्यशाळेसाठी नांदी फाउंडेशनचे मुख्य प्रशिक्षक अक्षय मेश्राम यांनी सलग तीन दिवस विद्यार्थ्यांना प्रभावी मार्गदर्शन केले. कौशल्य विकास केंद्राचे समन्वयक डॉ. सुरेंद्र गट्टानी यांच्या मार्गदर्शनाखाली तसेच स्वामी रामानंद तीर्थ मराठवाडा विद्यापीठाचे सन्माननीय कुलगुरू डॉ. मनोहर चासकर यांच्या आदेशानुसार हा उपक्रम राबविण्यात आला. आदिवासी भागातील दुर्गम विद्यार्थ्यांना नोकरीच्या संधी उपलब्ध करून देण्यासाठी पूर्वतयारी म्हणून मुलाखत कौशल्य व व्यक्तिमत्व विकासाचे प्रशिक्षण देण्यात आले. विद्यार्थ्यांचा सर्वांगीण विकास व्हावा आणि ते जागतिक स्पर्धेत सक्षमपणे उभे राहावेत, या दृष्टीने विद्यापीठ प्रशासन सातत्याने प्रयत्नशील असल्याचे यावेळी सांगण्यात आले. विशेष उल्लेखनीय बाब म्हणजे केंद्रातील दोन विद्यार्थिनी—ऐश्वर्या पंढरीनाथ सेलूकर व प्रणाली मारोती मेश्राम—यांची केस स्टडी महिंद्रा प्राइडस...

सत्यशोधक न्युज

Search This Blog