जिल्हा परिषद सारखणी शाळेची नवोदय परीक्षेत गगन भरारी तीन विद्यार्थी प्रवेशपात्र

सत्यशोधक न्युज वार्ता/किनवट :

जवाहर नवोदय विद्यालय प्रवेश परीक्षा २०२५ मध्ये घेण्यात आलेल्या अत्यंत कठीण व पारदर्शक परीक्षेत जिल्हा परिषद प्राथमिक शाळा सारखणी येथील तीन विद्यार्थी प्रवेश पात्र होऊन शाळेच्या यशात मानाचा तुरा रोवला. तसेच २८ विद्यार्थ्यांपैकी ४ विद्यार्थी हे ९० च्या वर ८ विद्यार्थी ८० च्या वर,9 विद्यार्थी 70 च्या वर गुण मिळवून उत्तीर्ण झाले आहे.

         जि. प. प्रा.शा.सारखणी शाळेत पात्र विद्यार्थी कु. स्वरा मेश्राम, कार्तिक चव्हाण ,केरबा खांडेकर यांचे आणि या यशाचे मानकरी , स्वतःला विद्यार्थी हिताकरिता  झोकुन देणारे, सुट्टीच्या दिवशी ही पूर्ण वेळ शाळा करणारे ध्येयवादी शिक्षक नरेंद्र कळंभे यांचे शाळेचे मुख्याध्यापक सुनील भास्करवार, प्रमोद कांबळे (प्र.केंद्रप्रमुख), प्रविण पिल्लेवार , विनायक कुडमते, पुनाराम जाधव , भाऊराव उमरे , शरद वानखेडे, श्रीमती लता  ठक्कुरवार व श्रीमती विशाखा किन्नरवाड , आकाश गुज्जलवाड तसेच गावातील पालक शंकर चव्हाण, अनुपमा मेश्राम, संजय राठोड, मौफिक शेख, श्री मिसेवार ,श्री अमोल चव्हाण,यांनी उपस्थित राहून विद्यार्थ्यांचे भरभरुन कौतुक केले. विद्यार्थ्यांना पुष्पगुच्छ व इंग्रजी डिक्शनरी देऊन पुढील वाटचालीसाठी शुभेच्छा दिल्या.