प्रेस संपादक व पत्रकार सेवा संघाच्या उत्कृष्ट कार्याचा झंजावात कायम ठेवणार करमाळा तालुका कार्यकारिणीचा बैठकीत निर्धार

करमाळा, सोलापूर :  प्रेस संपादक व पत्रकार सेवा संघ करमाळा तालुका कार्यकारिणीची नुकतीच आढावा बैठक घेण्यात आली. या बैठकीत प्रेस संपादक व पत्रकार सेवा संघाचे नियम व अटी सांगण्यात आल्या. तसेच येत्या वर्षभरात संघाच्या माध्यमातून कोणकोणते उपक्रम राबविता येतील यावर चर्चा करण्यात आली. प्रेस संपादक व पत्रकार सेवा संघाच्या उत्कृष्ट कार्याचा झंजावात कायम ठेवणार असल्याचा या बैठकीत निर्धार करण्यात आला. त्यानंतर करमाळा तालुकाच्या वतीने जिल्हा अध्यक्ष सौ. आशाताई चांदणे, उपाध्यक्षा विजया कर्णवर, जिल्हा सचिव  प्रमिलाताई जाधव यांचा सन्मान करण्यात आला. तसेच नुतुन सदस्या सौ. माधुरी कुंभार यांचाही सन्मान केला. प्रेस संपादक व पत्रकार सेवा संघाच्या करमाळा तालुका पदाधिकाऱ्यांचा उत्साह पाहून सोलापूर जिल्हा महिला अध्यक्षा आशाताई चांदणे यांनी सर्वांचा सर्व पदाधिकाऱ्यांचा सत्कार करून त्यांना प्रेरणा दिली. या आढावा बैठकीस प्रेस संपादक व पत्रकार सेवा संघाच्या सोलापूर जिल्हा महिला अध्यक्षा सौ. आशाताई चांदणे, जिल्हा उपाध्यक्षा विजयाताई कर्णवर, जिल्हा सचिव प्रमिलाताई जाधव, करमाळा तालुका अध्यक्ष अंगद भांडवलकर, उपाध्यक्ष श्री. शिंदे सर, जेऊर शहर अध्यक्ष श्री. आबासाहेब झिंजाडे , महिला सदस्या  सौ. माधुरीताई कुंभार, सदस्य श्री. संजय चांदणे आदी पदाधिकारी उपस्थित होते.