किनवट तालुका क्रीडा संकुलास छत्रपती संभाजी महाराजांचे नाव द्या- संभाजी ब्रिगेडची मागणी

 

(किनवट प्रतिनिधी)

किनवट: किनवट तालुका क्रीडा संकुलास छत्रपती संभाजी महाराजांचे नाव द्या अशी मागणी संभाजी ब्रिगेडच्या वतीने करण्यात आली. या मागणीचे निवेदन किनवट सहाय्यक जिल्हाधिकारी यांना देण्यात आले.

छत्रपती संभाजी महाराज संपूर्ण महाराष्ट्राची अस्मिता असून कधीही पराजित न झालेले लढवय्ये राजे होत.युवकांना सदैव प्रेरणा देणारे महापुरुष आहेत. अशा महापुरुषाचे नाव तालुका क्रीडा संकुलास देणे योग्य होईल.म्हणून किनवट शहरातील क्रीडा संकुलास छत्रपती संभाजी महाराज क्रीडा संकुल असे नामकरण करावे.असे केल्यास युवकांसह सर्वांसाठी प्रेरणादायी व अभिमानास्पद बाब ठरणार आहे.तेव्हा संभाजी ब्रिगेड किनवट व जनमानसांच्या मागणीचा विचार करता किनवट तालुका क्रीडा संकुलास छत्रपती संभाजी महाराज हे नाव घ्यावे.

अशा मागणीचे निवेदन संभाजी ब्रिगेडच्या वतीने सहाय्यक जिल्हाधिकारी किनवट यांना देण्यात आले.

सदरील निवेदनावर संभाजी ब्रिगेडचे जिल्हा प्रसिद्धी प्रमुख बालाजी पाटील सिरसाट तालुकाध्यक्ष सचिन पाटील कदम तालुका प्रसिद्धी प्रमुख आकाश पाटील इंगोले तालुका उपाध्यक्ष सुमित पाटील माने आदींच्या स्वाक्षऱ्या आहेत.