किनवट मॉर्निंग वॉक समूहाकडून केलेल्या श्रमदानास वन्यजीवांनी दिली दाद... दगडी बांधावर विसावले दोन वाघ..!
किनवट/ खरबी:
पैनगंगा अभयारण्यात काही दिवसापूर्वी वन्यजीव सप्ताह निमीत्त श्रमदानातून तयार करण्यात आलेल्या दगडी बांधावर वाघाचे जोडपं आराम करत असल्याचे छायाचित्र नुकतेच समाज माध्यमातून प्रसिद्ध झाले होते. तेव्हा पासून हे छायाचित्र सर्वत्र कुतूहलाचा विषय बनले आहे.
किनवट शहरापासून हाकेच्या अंतरावर असलेल्या पैनगंगा वन्यजीव अभयारण्यात नुकतेच कर्मचाऱ्यांनी आपल्या कॅमेरा मध्ये दोन वाघ मॉर्निंग वॉक समुह व वन परिक्षेत्र खरबी यांच्या श्रमदानातून तयार केलेल्या दगडी बांधावर विसावलेले चित्र कॅमेरा मध्ये कैद केले होते.
टिप्पेश्वर अभयारण्यातून हे वाघ या ठिकाणी आलेले शक्यता वर्तविण्यात येत आहे. या वरुन पैनगंगा अभयारण्य सर्वकाही व्यवस्थित असल्याचे लक्षात येत. अन्यथा गेले 2 वर्षे वाघ इथे राहीलेच नसते. हे अभयारण्य विविधांगी परिपूर्ण असुन वाढती वनराई वन्यजीवांसाठी अधिक पोषक वातावरण तयार होण्यास मदत होत आहे. वन्यप्रेमीनां जंगल सफारीचीही व्यवस्था करण्यात आलेली आहे. पैनगंगा अभयारण्य हे किनवट साठी एक वरदान ठरल्याची प्रतिक्रीया सर्वसामान्य नागरिकांतून व्यक्त होत आहे.
Comments
Post a Comment