किनवट:-
तुमच आमच नात काय जय जिजाऊ जय शिवराय .... चा जयघोष आणि विविध , सामाजिक ,शैक्षणीक उपक्रमांच्या आयोजनासह ३९४ वी बहुजन प्रतिपालक छत्रपती शिवाजी महाराज जयंती किनवट शहरातील छत्रपती चौकात सोमवारी (दि.१९) सकाळी ११ वाजता उत्साहात साजरी करण्यात आली. विशेष म्हणजे सकल मराठा समाजाच्यावतीने महिलांनी छत्रपतींच्या प्रतिमेला पुष्पहार अर्पण करून ध्वजारोहण केले.
अभिवादन केले. शिवप्रेमींनी सर्वत्र ध्वज, पताकांनी सजविल्याने परिसर भगवे झाल्याचे भासत होते.
शिवजयंतीनिमित्त छत्रपती शिवाजी महाराज सार्वजनिक जयंती उत्सव समितीतर्फे आयोजित विविध उपक्रमांत सोमवारी सकाळी ०८ वाजता शालेय विद्यार्थ्यांसाठी छापील चित्रांमध्ये रंगभरण स्पर्धा, ०९ वाजता वकृत्व स्पर्धा घेण्यात आली. दरम्यान, गोकुंदा ते छत्रपती चौकापर्यंत शिवप्रेमी तरण्याबांड युवकांनी दुचाकी रॅली शिस्तबद्ध काढून लोकांची मने जिंकली.
छत्रपती शिवाजी महाराज रयतेच्या मनावर राज्य करणारे एकमेव राजे होते. सर्वधर्मसमभाव, राष्ट्रभक्ती, महिला सन्मान, निर्भिडता त्यांच्या राज्यकारभाराची वैशिष्ट्ये होती. त्यांच्या या लोकोत्तर गुणांची आठवण करीत त्यांच्या इतिहासाचे स्मरण करून त्यांच्या पावन स्मृतीला उपस्थित सर्व मान्यवरांनी अभिवादन केले.
छत्रपति शिवाजी महाराज की जय च्या उच्चरवातील घोषणांनी आसमंत निनादले होते. शिवजयंतीनिमित्त येथील मराठवाडा रक्तनिदान केंद्रातर्फे रक्तदान शिबिराचे आयोजन करण्यात आले होते. त्यात दुपारी बारापर्यंत सुमारे ५० शिवप्रेमींनी रक्तदान केले. डॉ. वाकोडे मॅटर्निटी हॉस्पिटलतर्फे आरोग्य निदान शिबिर घेण्यात येऊन गरजू रुग्णांची मोफत तपासणी
करण्यात आली. यावेळी उपस्थितांना अल्पाहार देण्यात आला. दुपारी १२ वाजता सत्यपाल महार- ाजांचे शिष्य सप्तखंजेरीवादक संदीपपाल महाराज यांचा समाजप्रबोधनात्मक कार्यक्रम गोंडराजे मैदानावर उत्साहात पार पडला. सायंकाळी ०५ वाजता डीजेच्या कर्णकर्कश आवाजाला फाटा देत नांदेड येथील ढोल-ताशा पथकाचे सुंदर, मनमोहक संचलन सर्वांनाच भावले. छत्रपती शिवाजी महाराजांच्या प्रतिमेला अभिवादन करतांना माजी आमदार प्रदीप नाईक, सुधाकर भोयर, युवानेते सचिन नाईक, श्रीनिवास नेम्मानीवार, इसाखान सरदार खान, व्यंकटराव नेम्मानीवार, साजीदखान, लक्ष्मीपती दोनपेल्लीवार, के. मुर्ती, अनिल कन्हाळे-पाटील मारोती दिवसे-पाटील, सतिश बिराजदार, गिरीश नेम्मानीवार, सचिन कदम, गजानन कोल्हे, बालाजी मुरकुटे पाटील, दगडू भरकड, अजय कदम, सुशील कदमसह शेकडो शिवप्रेमींची उपस्थिती होती.
Comments
Post a Comment