चार जानेवारीला महावितरण अधिकारी, कर्मचारी संपावर जाणार महाराष्ट्र राज्य वीज कर्मचारी अधिकारी, अभियंता संघर्ष समितीने दिले पुकार....
माहूर - ( तालुका प्रतिनिधी चव्हाण )
महावितरण खासगीकरणाच्या विरोधात महाराष्ट्र राज्य वीज कर्मचारी अधिकारी,अभियंता संघर्ष समितीने आंदोलनाचा पवित्रा घेतला आहे.
महावितरण कंपनीच्या अधिपत्याखालील क्षेत्राचे खासगीकरण करण्याचा घाट राज्य शासनाच्या असल्याने या विरोधात महावितरणचे अधिकारी कर्मचारी, अभियंता आक्रमक झाले आहेत. या खासगीकरणाच्या विरोध करण्यासाठी ४ जानेवारीला राज्यभर कर्मचारी ,अधिकारी व अभियंता ७२ तास कामबंद आंदोलन करणार आहेत.
यापूर्वी महाराष्ट्रभर द्वार सभा व निदर्शने करण्यात आली होती. नुकताच नागपूर विधान भवनावर मोर्चा काढून सरकारच्या धोरणाचा निषेध नोंदविला. आता संघर्ष समितीने ४ जानेवारीला संपावर जाण्याचे ठरविले आहे. हा संप वीज ग्राहकांविरोधात नसून खासगीकरना विरोधात आल्याचे महाराष्ट्र राज्य वीज कर्मचारी अधिकारी,अभियंता संघर्ष समितीने सांगितले आहे.
Comments
Post a Comment