🟦🟦🟦🟦🟦🟦🟦🟦🟦🟦🟦🟦
🔵विषय:-ऐच्छिक काव्यरचना🔵
====================
🟡शीर्षक:-सज्जन साकार🟡
🟦🟦🟦🟦🟦🟦🟦🟦🟦🟦🟦🟦
नसावा मनात | अहो अहंकार |
सगुण साकार | जीवनात ||
होईल बंधूनो | आनंदी जीवन |
मन ते पावन | सकलांचे ||
क्षणीक आयुष्य | घडवा भविष्य |
गोड करा भाष्य | आपसात ||
भरोसा नाही रे | आता जीवनाचा |
संघर्ष मनाचा | नीट वाग ||
नातलग जाण | मोठ्यांना दे मान |
नको अपमान | करू आता ||
मदत करावी | ती एकमेकांना |
साथ अनेकांना | आनंदात ||
प्रेम भरा मनी | विसरा अबोला |
प्रेमानेच तोला | सर्वजण ||
धरू नये राग | धगधग आग |
असू द्यावी जाग | सर्वजना ||
भयंकर क्रोध | घ्या सत्याचा शोध |
दुष्टांचा तो रोध | करा आता ||
द्यावा मानपान | सत्याचा आकार |
सज्जन साकार | करावेत ||
🟦🟦🟦🟦🟦🟦🟦🟦🟦🟦🟦🟦
✍️देविदास हरीदास वंजारे ता.किनवट जि.नांदेड✍️
🟦🟦🟦🟦🟦🟦🟦🟦🟦🟦🟦🟦
Comments
Post a Comment