Skip to main content

बोधडी वन परिक्षेत्रात झालेल्या विविध कामाची चौकशी करा ; सेक्युलर मुव्हमेंट ची मागणी

 


किनवट,दि..१८: बोधडी(ता.किनवट)वन परीक्षेत्रांतर्ग झालेल्या विविध कामांची चौकशी करा,अशी मागणी करणारे निवेदन "सेक्युलर मुव्हमेंट,"या सामाजिक संघटनेचे जिल्हाध्यक्ष एड.मिलिंद सर्पे  यांनी  उप वनसंरक्षक,नांदेड यांना नुकतेच पाठविले आहे.

   निवेदनात नमुद केले आहे की, बोधडी(बु.)वनपरिक्षेत्रांंतर्गत सन २०१९-२० व २०२०-२१ या दोन वर्षाच्या कालावधीत वनतळे,रोप लागवड,आग व गुरे प्रतिबंधक चर,दगडी पोळ व तार कुंपन ही कामे हजारो रुपये खर्च करून करण्यात आली आहेत.या कामात वनपरिक्षेत्राधिकारी,वनपाल व वनरक्षक यांनी संगनमत करून मोठ्या प्रमाणात भ्रष्टाचार केलेला आहे.

   वन तळ्यांंची कामे करतांना  कांही कामे ही अर्धवट करण्यात आली आहेत,तर कांहीं वन तळ्यांची पिचिंग न करताच कागदोपत्री पिचिंग केल्याचे दर्शवून या कामांचा निधी हडप केलेला आहे.दगडी पोळाच्या काही जुन्या कामांना नवीनच केल्याचे दर्शवून त्याचा निधि हडप करण्यात आलेला आहे.आग व गुरे प्रतिबंधक चराची कामे दर्जाहीन करून या कामांचा निधी हडप करण्यात आलेला आहे.तसेच जंगलात व रोप लागवड केंद्रात प्रत्यक्षात तार कुंपन न करताच ते केल्याचे दर्शवण्यात आले आहे.तार कुंपन न केल्याने काही शेतकऱ्यांनी वन जमीनीवर अतिक्रमण केले आहे.असे असतांनाही वन अधिकारी व कर्मचाऱ्यांनी अतिक्रमण केलेल्या शेतकऱ्यांशी संगनमत करून सदरील शेत जमिनीह्या शेतकऱ्यांना सोडून देण्यात आल्या आहेत.नियतन क्षेत्र पोतरेड्डी व रामपूरमधील एन आर च्या रोपवनाला तार कुंपन न करता परस्पर निधि उचलून त्याची वाट लावली आहे.

   या सर्व कामांची उच्चस्तरीय खातेनिहाय चौकशी करून दोषींवर निलंबनाची कार्यवाही करावी व त्यांच्याकडून हडप करण्यात आलेली रक्कम वसुल करावी,अन्यथा संघटनेच्या वतीने लोकशाही मार्गाने आंदोलन करण्यात येईल व प्रसंगी सक्षम न्यायालयात दाद ही मागण्यात येईल,असा ईशारा निवेदनात देण्यात आला आहे.निवेदनाच्या प्रति सर्व संबंधितांना माहीतीस्तव व योग्य त्या कार्यवाहीस्तव पाठविण्यात आल्या आहेत.

   दरम्यान, याबाबत माहिती घेण्यासाठी वनपरिक्षेत्राधिकारी यांच्याशी अनेकवेळा संपर्क साधण्याचा प्रयत्न केला असता त्यांनी प्रतिसाद दिला नाही.

Comments

Popular posts from this blog

किनवट तालुक्यातील मारेगाव खालचे येथील नाल्यात तीन मुलींचा बुडून दुर्देवी मृत्यू

  सत्यशोधक न्युज किनवट तालुक्यातील मारेगाव (खा) येथे पाण्यात बुडून ३ युवतींचा मृत्यू झाल्याची घटना दुपारी दोनच्या सुमारास घडली. असुन सदरील या घटनेने परिसरात एकच हळहळ व्यक्त होत आहे. याबाबत मिळालेल्या माहितीनुसार सविस्तर वृत्त असे की, मारेगाव येथील स्वाती देविदास कांबळे (१२ वर्षे,) पायल देविदास कांबळे (१६ वर्ष) आणि ममता सुरेश विविधकर (१९ वर्ष) रा. मारेगाव (खालचे) ता. किनवट ह्या तीन तरुणांचा पाण्यात बुडून मृत्यू झाला. किनवट जवळील मारेगाव (खा) ऐथे असलेल्या पैनगंगा नदीच्या शेजारील नाल्यामध्ये पाय घसरून पडल्यामुळे एक मुलीला वाचवण्यासाठी दुसरी मुलगी पाण्यात गेली. त्यानंतर, तिसऱ्या मुलीनेही दोघींना वाचवण्यासाठी पाण्यात धाव घेतली. मात्र, एकमेकींना वाचविण्याच्या नादात तीनही मुलींचा पाण्यात बुडून मृत्यू झाला. या घटनेनं मारेगाव गावावर शोककळा पसरली असून सर्वत्र हळहळ व्यक्त होत आहे. दरम्यान, घटनेची माहिती मिळता किनवट पोलीस स्टेशन येथील पोलिसांनी घटनास्थळी धाव घेऊन पंचनामा केला आहे. तिन्ही मुलींचे मृतदेह पाण्यातून बाहेर काढण्यात आले असून शवविच्छेदनासाठी किनवट येथील उपजिल्हा रुग्णालय गोकुंदा येथे आणण

रामविजय गरड यांना राज्यस्तरीय कुणबी मराठा समाज भुषण पुरस्कार जाहीर

  किनवट (तालुका प्रतिनिधी) किनवट येथील राधाई हार्डवेअर अँड मशीनरी चे मालक  तथा सामाजिक कार्यकर्ते रामविजय श्रीनिवास गरड (पाटील ) यांना त्यांच्या आर्थिक,सामाजिक, राजकीय,  तथा बिजनेस स्किल या विविधांगी गुणांचा व विविध क्षेत्रातील कार्याची दखल घेऊन ' महाराष्ट्र राज्य कुणबी मराठा महासंघाच्या वतीने' वर्ष २०२४चा राज्यस्तरीय कुणबी मराठा भुषण पुरस्कारा साठी निवड करण्यात आलेली आहे. सदरिल निवड झाल्याची माहिती कुणबी मराठा महासंघाचे महाराष्ट्र राज्य प्रदेशाध्यक्ष गिरीश भाऊ जाधव यांच्या मार्गदर्शना नुसार तालुका अध्यक्ष श्री सुनील उमाजी चव्हाण यांनी आमच्या प्रतिनिधी व प्रसार माध्यमांच्या प्रतिनिधींना सांगितले आहे. सदरील पुरस्काराचे वितरण दिनांक २५ ऑगस्ट रोजी रविवार सकाळी ११-३० वा भक्ती लांन्स नांदेड नगरीत माजी मुख्यमंत्री तथा विद्यमान खासदार अशोक चव्हाण आणि विद्यमान आमदार भावना गवळी यांच्या हस्ते होणार आहे.श्री रामविजय गरड पाटील यांना मिळालेल्या या पुरस्काराबद्दल त्यांचे श्री शंकर जाधव यांनी  घोटी गावाचे उपसरपंच राजू सुरूशे पाटील यांनी  अभिनंदन केले.. अखिल भारतीय मराठी पत्रकार संघाचे माजी ता

.. महाराष्ट्रातील निवडणुका बॅलेट पेपरवर होणार; निवडणूक आयोगाच्या अधिकाऱ्यांची माहिती

 महाराष्ट्र:- देशातील लोकसभा निवडणूक 2024 चा कार्यक्रम केंद्रीय निवडणूक आयोगाद्वारे जाहीर करण्यात आला असून महाराष्ट्रात 19 एप्रिल ते 20 मे या कालावधीत एकूण पाच टप्प्यांमध्ये निवडणूक होणार आहे. या निवडणुकीची आदर्श आचारसंहिता शनिवारपासून लागू झाली आहे. महाराष्ट्रात यंदाची निवडणूक विविध मुद्द्यांनी गाजणार आहे. यामध्ये मराठा आरक्षणाचा मुद्दाही महत्त्वाचा ठरण्याची शक्यता आहे. राजकीय नेत्यांना आपली ताकद दाखवून देण्यासाठी मराठा आरक्षण आंदोलक मनोज जरांगे पाटील यांनी महाराष्ट्रातील सर्व ४८ मतदारसंघांत समाजातील तरुणांनी शेकडो उमेदवारी अर्ज दाखल करावेत, असं आवाहन केलं आहे. उमेदवारांची संख्या प्रचंड प्रमाणात असेल तर ईव्हीएमवर निवडणुका घेणं कठीण होणार आहे. अशातच आज राज्याचे मुख्य निवडणूक अधिकारी तथा प्रधान सचिव एस. चोक्कलिंगम यांनी घेतलेल्या पत्रकार परिषदेत ईव्हीएमच्या क्षमतेबाबत माहिती दिली आहे. ईव्हीएमसंदर्भात विचारण्यात आलेल्या प्रश्नावर बोलताना एस. चोक्कलिंगम म्हणाले की, "एका मतदारसंघात ४०० उमेदवारांहून अधिक उमेदवारांनी निवडणुकीसाठी अर्ज दाखल केल्यास आपल्याला बॅलेट पेपरवर निवडणूक घ्यावी ला