सा.बा. उपविभाग कार्यालयात दोन विश्रामगृहाचे काम निकृष्ट दर्जाचे

 

(किनवट ता. प्र.)

सार्वजनिक बांधकाम उपविभाग कार्यालय किनवट मध्ये दोन विश्रामगृह कक्षांचे काम चालू आहे जे की अत्यंत निकृष्ट दर्जाचे होत असून ज्यामुळे भविष्यात मोठी जीवितहानी घडण्याची शक्यता आहे. एका बाजूच्या कक्षाला वरती लोखंडी गजाळी लावून पडदी केली जात आहे,तर दुसर्‍या बाजूला सिमेंटच्या विटा लावून भिंत केली जात आहे ज्यामुळे एकाच कामांमध्ये हे दोन प्रकारचे  काम कसे केले जात आहे हे न उलगडणारे कोडे आहे. सदरील कामावरती नदीतील रेती न वापरता नागपूर विदर्भामध्ये मिळणारी कृत्रिम रेती वापर करून कामाचा धडाका संबंधित गुत्तेदारने लावला आहे त्यामुळे सदरील काम हे अत्यंत निकृष्ट दर्जाचे होत आहे. सदरील कामाची चौकशी करून तात्काळ सदरील काम थांबवत सदरील काम  गुत्तेदार कडून काढून घेऊन पुन्हा नव्याने चांगल्या शासकीय गुत्तेदार कडून करण्याची मागणी सामाजिक कार्यकर्ते शेख शोकात यांनी  नांदेडचे विभागीय सर्कल अभियंता अविनाश धोंडगे यांच्याकडे केली आहे.

साधारणत एक कोटी सत्तर लक्ष रुपयांचे अनुदान असणाऱ्या या कामाला ई टेंडर प्रक्रिया लागण्या आधीच या गुत्तेदारने काम सुरु करत ई टेंडर प्रक्रियेला हरताळ फासली आहे. हा गुत्तेदार असेच कोणतेही काम ई टेंडर प्रक्रिया लागण्या आधीच सुरु करतो आणि नंतर सगळ्या इतर गुत्तेदाराना दबाव टाकत काम स्वतः ला सोडवून घेत आला आहे त्यामुळे शासनाची टेंडर प्रक्रिया पुर्णतः निकामी ठरली आहे. माती मिश्रीत कृत्रिम रेती वापरल्याने बिल्डिंगची पकड मजबूत झालेली नाही आहे त्यामुळे भविष्यात ही इमारत पडण्याची शक्यता जास्त आहे. तरी सदरील कामाची चौकशी माझ्या समक्ष करण्याची मागणी सामाजिक कार्यकर्ते शेख शोकात यांनी केली आहे.