किनवट (प्रतिनिधी) महाराष्ट्र नवनिर्माण सेनेच्या 15 व्या वर्धापन दिनानिमित्त 9 मार्च 2019 रोजी माजी तालुकाध्यक्ष नितीन मोहरे यांच्या नेतृत्वाखाली येथील संथागार वृद्धाश्रमात वृद्धांना अन्नदानासाठी पक्षाच्या वतीने निधी समर्पित करण्यात आला.
महाराष्ट्र नवनिर्माण सेनेच्या पक्ष स्थापनेला 9 मार्च 2021 रोजी 15 वर्ष पूर्ण झालेली असून पक्षाचा हा वर्धापन दिन सबंध महाराष्ट्रात मनसेच्या वतीने विविध उपक्रम राबवून साजरा करण्यात येत आहे. त्या अनुषंगाने किनवट येथे सुद्धा मनसेचे माजी तालुकाध्यक्ष नितीन मोहरे यांच्या नेतृत्वाखाली किनवट शहरासह तालुक्यात महाराष्ट्र सैनिकांनी मोठ्या उत्साहात तसेच विविध उपक्रम राबवून वर्धापन दिन साजरा केला. कोरोनाचा वाढता प्रादुर्भाव लक्षात घेता सार्वजनिक ठिकाणी गर्दी टाळण्याच्या दृष्टीने साध्या पद्धतीनेच पण समाज भावनेतून किनवट येथील संथागार वृद्धाश्रमात महाराष्ट्र सैनिकांनी पक्षाच्यावतीने वृद्धाश्रमातील वृद्धांना भोजनदान उपलब्ध व्हावे या मानवतेच्या दृष्टीने संथागार चे संचालक माजी नगराध्यक्ष अरुण आळणे यांच्याकडे निधी समर्पित करून वर्धापनदिन साजरा केला आहे. यावेळी माजी तालुकाध्यक्ष नितीन मोहरे यांनी किनवट सारख्या अतिदुर्गम व मागास भागात लोककल्याणाच्या भावनेतून वृद्धाश्रम सुरू केल्याबद्दल अरुण आळणे यांचे कौतुक केले तर महाराष्ट्र नवनिर्माण सेनेने पक्षाच्या वर्धापन दिनानिमित्य वृद्धांना अन्नदानासाठी निधी समर्पित करून वृद्धांचा आशीर्वाद प्राप्त केल्याच्या भावना संथागारचे आळणे यांनी व्यक्त केल्या आहेत. याप्रसंगी मनसेचे शहराध्यक्ष अनिल ईरावार, मनविसेचे तालुकाध्यक्ष रोहित भिसे, मनविसेचे शहराध्यक्ष नागेश मंत्रीवार, वाहतूक सेनेचे तालुका अध्यक्ष प्रसाद भंडारे, शहर सचिव गणेश करनेवार, शहर उपाध्यक्ष इलियास चौधरी, विजय वाघमारे, सचिन कांबळे, प्रदीप दोनकोंडावार, पवन साळुंखे यांच्यासह असंख्य महाराष्ट्र सैनिक उपस्थित होते
Comments
Post a Comment