शालेय जि. परिषद इमारत जमीनदोस्त प्रकरणात आमरण उपोषणाचा इशारा :-राजू पाटील सुरोशे.

किनवट (तालुका प्रतिनिधी)

 शासकीय इमारत उभी करण्यासाठी शासनाचा खर्च होत असतो तसेच एखादी इमारत किंवा व कधी पाडायची याबाबत शासनाने नियमावली ठरवून दिलेली आहे परंतु, काही शासकीय पदावर असलेले महारथी च्या आशीर्वादाने नियमाची पायमल्ली तर केली जाते. याउलट दोषी व्यक्तीला ही पाठीशी घातल्या जाते  त्याचाच एक भाग म्हणून की काय किनवट शहराजवळून जवळच असलेल्या घोटी येथील जिल्हा परिषद शालेय इमारत ही रातोरात जमीनदोस्त करण्यात आली. यासंबंधी राजू पाटील सुरोशे  यांनी वेळीच शासन दरबारी आपली कैफियत मांडली, परंतु अद्याप पर्यंत काहीही कारवाई झाली नाही, म्हणून दिनांक 24/ 2 /2021 रोजी राजू पाटील सुरोशे यांनी निवेदनाद्वारे उपोषणाचा गंभीर असा इशारा प्रशासनाला दिला आहे. सदर निवेदना  मध्ये मौजे घोटी तालुका किनवट जिल्हा नांदेड येथील शालेय इमारत जमीनदोस्त केल्या बाबत विषयाला अनुसरून दिनांक 2/2 /2021 च्या मध्यरात्री जि. प. प्रा. शाळा घोटी येथील इमारत जमीनदोस्त करण्यात आली होती. तरी अद्याप पर्यंत गटशिक्षणाधिकारी साहेब यांनी काहीही कार्यवाही केली नाही, असे निदर्शनास येत आहे. तरी दिनांक 28 /2 /2021 पर्यंत आपण संबंधितांवर कायदेशीर कारवाई करावी, अन्यथा दिनांक 1 मार्च 2021 पासून आपल्या कार्यालयासमोर आमरण उपोषण करण्यात येईल असा गंभीर इशारा माननीय गटशिक्षणाधिकारी साहेब किनवट, तालुका:- किनवट, जिल्हा नांदेड यांना राजू पाटील सुरोशे यांनी निवेदनाद्वारे दिला आहे. वर्तमान स्थितीची कृती ही भविष्य उज्वल बनवत असते. त्याचप्रमाणे दोषीवर कारवाई होते का ? की मग त्यामध्ये दोषी व्यक्तीला पाठीशी घातले जाते किंवा कसे?हे  येणारी वेळच सांगणार आहे हे मात्र निश्चित आहे. याकडे परिसरातील सर्वसामान्य जनता  चौकशीची म्हणजे दोषीवर कार्यवाही करण्याची वाट बघत आहे.