स्वारातिम विद्यापीठ नांदेड व बळीराम पाटील महाविद्यालय किनवट यांच्या संयुक्त विद्यमाने मराठी भाषा संवर्धन पंधरवडा निमित्त ऑनलाईन कार्यक्रम

(किनवट शहर प्रतिनिधी)

स्वामी रामानंद तीर्थ मराठवाडा विद्यापीठ,नांदेड भाषा, वाङमय व संस्कृती अभ्यास संकुल आणि बळीराम पाटील कला,वाणिज्य व विज्ञान महाविद्यालय,किनवट मराठी विभाग यांच्या संयुक्त विद्यमाने  मराठी भाषा संवर्धन पंधरवडा निमित्त विविध कार्यक्रमाचे आयोजन करण्यात आले आहे.हा कार्यक्रम किनवट शिक्षण संस्थेचे अध्यक्ष प्रफुल्ल राठोड यांच्या मार्गदर्शनाखाली घेण्यात येणार आहे. या वेबिनारचे

आदिवासी साहित्याचे अभ्यासक, भाषा, वाङमय व संस्कृती अभ्यास संकुलचे प्रा. डॉ. वैजनाथ अनमुलवाड हे उदघाटक म्हणून उपस्थित राहणार आहेत.दलित साहित्याचे अभ्यासक व विद्रोही कवी ,मराठी भाषेचे अभ्यासक प्रा. डॉ. आनंद इंजेगावकर हे मराठी भाषा संवर्धन या विषयावर मार्गदर्शन करणार आहेत.कार्यक्रमाचे अध्यक्ष प्राचार्य डाॅ. एस. के. बेंबरेकर राहणार आहेत.कार्यक्रमाच्या सुरुवातीला स्वागत गीत प्राचार्य सुरेश पाटील सादर करतील. 

मराठी भाषा संवर्धन काळाची गरज या विषयावर प्रसिद्ध विचारवंत प्रा. डॉ. अनिल कांबळे,महात्मा गांधी महाविद्यालय, अहमदपूर, मराठी भाषेचा सार्वत्रिक वापरःवस्तुस्थिती व भवितव्य या विषयावर प्रसिद्ध विचारवंत, कथाकार, वैचारिक लेखक प्रा. डॉ. शंकर विभूते,इंदिरागांधी महाविद्यालय, नांदेड हे मार्गदर्शन करणार आहेत.मराठी भाषेचे भवितव्य व संवर्धन या विषयाच्या अनुषंगाने प्रा. डॉ. संतोष हंकारे, पारंपारिक तमाशा:कला आणि वास्तवजीवन बोलीभाषा संदर्भात मराठी विभागाच्या मुंबई विद्यापीठ, मुंबई येथील शामल गरुड यांचे व्याख्यान होणार आहे. समारोप कार्यक्रमात मराठी भाषा व संवर्धन व बोलीचे संवर्धन या विषयावर प्रसिद्ध विचारवंत प्रा. डॉ. रवींद्र बेंबरे हे मार्गदर्शन करणार आहेत. या वेबिनाराचे सत्रनिहाय सत्र अध्यक्ष म्हणून सत्यशोधकीय विचारवंत प्रा. रामप्रसाद तौर, प्रसिद्ध नाटककार व नाट्य लेखक प्रा. डॉ.अंबादास कांबळे, सत्यशोधकीय अभ्यासक प्रा. डॉ. उमाकांत इंगोले,प्रा.डाॅ.सुरेंद्र शिंदे उपस्थित राहणार आहेत. या वेबिनारमध्ये महाविद्यालयाचे उपप्राचार्य प्रा. राजकुमार नेम्मानीवार, पर्यवेक्षक प्रा. अनिल पाटील यांची प्रमुख उपस्थिती आहे. या अभ्यासपूर्वक वेबिनारमध्ये सर्वांनी सहभागी व्हावे असे स्वामी रामानंद तीर्थ मराठवाडा विद्यापीठ नांदेड.संचालक,भाषा,वाङमय व संस्कृती अभ्यास संकुलच्या डॉ. शैलजा वाडीकर, बळीराम पाटील महाविद्यालय, किनवट येथील मराठी विभागप्रमुख तथा मराठी भाषा संवर्धन पंधरवडा समन्वयक प्रा. डॉ. पंजाब शेरे यांनी कळविले आहे.