किनवटमध्ये २४ मे रोजी भव्य सामूहिक विवाह सोहळा 'अजिंक्य सेवाभावी संस्थे'चा २० वर्षांचा समाजसेवेचा वसा कायम !

 

 किनवट ता.प्रतिनिधी

गोरगरीब आणि गरजू कुटुंबांच्या मदतीसाठी अविरत कार्यरत असणाऱ्या येथील प्रसिद्ध 'अजिंक्य सेवाभावी संस्थे 'च्या वतीने येत्या २४ मे रोजी दुपारी १२:३० वाजता एका भव्य सामूहिक विवाह सोहळ्याचे आयोजन करण्यात आले आहे. किनवट येथील कलावती गार्डन येथे मान्यवरांच्या उपस्थितीत हा सोहळा अत्यंत थाटामाटात पार पडणार आहे.

विवाहबंधनात अडकणाऱ्या नवीन जोडप्यांना आशीर्वाद देण्यासाठी आणि या सामाजिक उपक्रमाचा भाग होण्यासाठी परिसरातील नागरिकांनी मोठ्या संख्येने उपस्थित राहावे, असे आवाहन आयोजकांतर्फे करण्यात आले आहे. अजिंक्य सेवाभावी संस्थेने गेल्या सलग २० वर्षांपासून सामाजिक बांधिलकी जपत सामूहिक विवाहाचा हा स्तुत्य उपक्रम सुरू ठेवला

आहे. संस्थेने आजवर तब्बल १२ हजारापेक्षा जास्त नवदाम्पत्यांना विवाहबंधनात अडकवून एक नवा इतिहास रचला आहे. आजच्या महागाईच्या काळात अनाठायी खर्चाला लगाम घालणे आणि वेळेची बचत करणे या उद्देशाने असे सामूहिक विवाह सोहळे केवळ आर्थिकदृष्ट्या दुर्बल घटकांसाठीच नव्हे, तर आर्थिकदृष्ट्या सक्षम असणाऱ्यांसाठीही काळाची गरज बनले आहेत. या विवाह सोहळ्यात नवविवाहितांना शुभाशीर्वाद देण्यासाठी विविध क्षेत्रांतील प्रतिष्ठित मान्यवर उपस्थित राहणार आहेत. यामध्ये प्रामुख्यानेः बेबीताई नाईक, नगराध्यक्ष सुजाताताई येंडूलवार, ॲड. सुभाष ताजने, दत्ता कसबे, मुन्ना खान यांच्यासह अनेक मान्यवरांची विशेष उपस्थिती लाभणार आहे. हा सोहळा सर्वार्थान अविस्मरणीय करण्यासाठी 'अजिंक्य सेवाभावी संस्थेची संपूर्ण टीम सज्ज

झाली आहे. विवाह मंडप, भोजन व्यवस्था आणि इतर तांत्रिक बाबींचे नियोजन आता अंतिम टप्प्यात आले आहे. सोहळ्याच्या यशस्वी आयोजनाची मुख्य जबाबदारी माजी नगराध्यक्ष अरुण आळणे यांनी स्वीकारली आहे. या कार्यक्रमाचे स्वागताध्यक्ष ज्योतिबा खराटे, नियंत्रक करण येंड्रलवार, अध्यक्ष अमोल भवरे तर उपाध्यक्ष म्हणून गोलू आढागळे ही जबाबदारी सांभाळत आहेत. संयोजक निखिल वाघमारे यांच्यासह संस्थेचे सर्व पदाधिकारी व कार्यकर्ते सोहळा यशस्वी करण्यासाठी रात्रंदिवस परिश्रम घेत आहेत. तालुक्यातील जास्तीत जास्त नागरिकांनी या मंगल प्रसंगी उपस्थित राहून नवदाम्पत्यांना त्यांच्या वैवाहिक जीवनासाठी शुभाशीर्वाद द्यावेत, असे आवाहन माजी नगराध्यक्ष अरुण आळणे व अजिंक्य सेवाभावी संस्थेच्या वतीने करण्यात आले आहे.