हेमंत पाटील यांना एका महिन्यात दुसऱ्यांदा लॉटरी

 

हिंगोली- बाळासाहेब ठाकरे हळद प्रक्रिया व प्रशिक्षण केंद्राचे अध्यक्षपदी राहण्याबरोबरच आता त्यांना आमदार होण्याची संधी मिळाल्याने दुसऱ्यांदा लॉटरी लागली आहे.

हिंगोली लोकसभेसाठी त्यांना नाकारताच त्यांच्या पत्नीना राजश्री पाटील यांना वाशीम यवतमाळ लोकसभेची उमेदवारी दिली मात्र त्यात पराभव झाला. राज्याचे मुख्यमंत्री एकनाथ शिंदे यांनी अखेर हेमंत पाटील यांना बाळासाहेब ठाकरे हळद प्रक्रिया व प्रशिक्षण केंद्राच्या अध्यक्षपदावरून पाटील यांना राज्यमंत्रीपद बहाल करण्याचा निर्णय घेण्यात आला. पाटील यांना राज्यमंत्रिपद देऊन मुख्यमंत्री शिंदे यांनी पाटील यांचे राजकीय पुनर्वसन केले. राज्यमंत्री म्हणून जाहीर झाल्यानंतर महिनाभरातच पाटील यांची राज्यपाल नियुक्त विधान

परिषदेवर नियुक्ती करण्यात आली आहे. याचाच अर्थ पाटील यांना एका महिन्यात दुहेरी लॉटरी लागली आहे. २०१९ च्या लोकसभा निवडणुकीत हेमंत पाटील हे हिंगोली लोकसभा मतदारसंघातून प्रचंड

मतांनी विजयी झाले. पाटील यांनी आपल्या पाच वर्षांच्या कार्यकाळात अनेक विकासकामे केली. त्यांची लोकप्रियता लक्षात घेऊन काही महिन्यांपूर्वी झालेल्या लोकसभा निवडणुकीत त्यांना शिवसेनेकडून

(शिंदे गट) उमेदवारी जाहीर करण्यात आली. मात्र स्थानिक भाजप नेत्यांनी पाटील यांच्या नावाला कडाडून विरोध केला. याच सर्वेक्षणात पाटील यांच्या पडझडीची खोटी माहिती वरिष्ठांपर्यंत पोहोचवण्यात आली. त्यामुळेच उमेदवारी अर्ज दाखल करताना हेमंत पाटील यांच्याऐवजी बाबुराव पाटील कोहलीकर यांना रिंगणात उतरवण्यात आले. मात्र या निवडणुकीत बाबूराव पाटील यांचा पराभव झाला. हेमंत पाटील यांच्या पत्नी राजश्री पाटील यांना शेजारच्या वाशिम-यवतमाळ मतदारसंघातून उमेदवारी जाहीर करण्यात आली. मात्र तेथेही राजश्री पाटील यांना पराभवाला सामोरे जावे लागले. तेथे भावना गवळी यांचे तिकीट रद्द करून राजश्री पाटील यांना रिंगणात उतरवले. लोकसभा निवडणुकीनंतर राज्याच्या मुख्यमंत्र्यांना समजले की, हिंगोली, वाशिम यवतमाळसारख्या जागा गमावल्यानंतर मुख्यमंत्र्यांनी आधी माजी खासदार भावना गवळी यांना विधान परिषदेवर पाठवून त्यांचे पुनर्वसन केले. त्यानंतर हेमंत पाटील यांचेही पुनर्वसन करण्यात आले.

पाटील यांनी एकाच महिन्यात दुहेरी लॉटरी जिंकल्याने त्यांना विरोध करणाऱ्यांच्या मुसक्या आवळल्या आहेत.

गेल्या अनेक दिवसांपासून पाटील यांना विधान परिषदेत जागा मिळणार असल्याची चर्चा होती. विधानसभा निवडणुकीची आचारसंहिता लागू होण्यापूर्वी सोमवार, १४ ऑक्टोबर रोजी सायंकाळी राज्यपाल नियुक्त आमदारांच्या यादीत पाटील यांचा समावेश करण्यात आला. पाटील यांची बाळासाहेब ठाकरे हळद प्रक्रिया व प्रशिक्षण केंद्राच्या अध्यक्षपदी वर्णी लागल्याने पाटील समर्थकांमध्ये आनंद व्यक्त केला जात आहे.