किनवट प्रतिनिधी:- सध्या संपूर्ण जिल्ह्यात गाजत असलेल्या किनवट तालुक्यातील नीचपुर ग्रामपंचायत मधील भ्रष्टाचाराचा मुद्दा नांदेड जिल्हा परिषद कार्यालय समोर मागील 8 दिवसांपासून सुरू असलेल्या गावातील सामाजिक कार्यकर्ते, उप सरपंच व ग्रामपंचायत सदस्य आणि गावातील व जिल्ह्यातील प्रतिष्ठित नागरिक यांनी उपोषणाला बसत तर काहींनी पाठींबा देत मुख्य कार्यकारी अधिकारी मॅडम यांचा कडे दाद मागितली आहे परंतु आजपर्यंत सदरील प्रकरणी चौकशी होवून योग्य अहवाल प्रसिद्ध करन्यात आलेला नाही आहे.जसे वन विभाग कार्यालय समोर उपोषण कर्त्याचा मृत्यू झाला होता तसा कोणाचा मृत्यू झाल्यावरच मुख्य कार्यकारी अधिकारी यांना जाग येईल का.?असा भाबडा प्रश्न जनतेत चर्चिला जात आहे.न्याय न मिळाल्यास गावातील महिला त्यांचा हातातील बांगड्या मुख्य कार्यकारी अधिकारी मॅडम यांचा दालनात फोडून निषेध व्यक्त करणारं असे आंदोलनातील महिलांनी बोलून दाखवले आहे.
जिल्ह्याचा ठिकाणापासून 150 किमी दूर अंतरावर असलेल्या आदिवासी बहुल किनवट तालुका विकासापासून कायमचं मागास राहिलेला आहे किंबहुना राजकारण्यांचा दबावाने ठेवलेला आहे.जो नाममात्र निधी गावाचा विकास कामांसाठी येतो त्यातही 70 टक्के निधी भ्रष्टाचार करून लाटला जातो आणि उर्वरित 30 टक्के निधीत कामाचा दर्जा ढासळतो.आणि या दर्जाहीन कामावर आम्हीच विकास केला असा तोरा मिरवला जातो आहे.
तालुक्यातील नीचपुर ग्रामपंचायत अंतर्गत भ्रष्टाचार झाला असा आरोप करत गावातील सामाजिक कार्यकर्ते, उप सरपंच व ग्रामपंचायत सदस्य दोन तीन महिन्यापूर्वी पंचायत समिती कार्यालय किनवट समोर आमरण उपोषणाला बसले होते.तेव्हा गट विकास अधिकारी यांनी ग्रामसेवकला तात्काळ माहिती देण्यास लावत चौकशी करण्याचे म्हंटले होते.परंतु सदरील प्रकरणी चौकशी आजपर्यंत कोणीही केली नसल्याने आणि ग्रामसेवकांने अपूर्ण माहिती देत ग्रामस्थांची दिशाभूल केल्याने सदरील भ्रष्टाचाराचा चौकशीचा मागणी साठी गावातील सामाजिक कार्यकर्ते,उप सरपंच व ग्रामपंचायत सदस्य यांनी मागील 8 दिवसांपासून जिल्हा परिषद कार्यालय नांदेड समोर आमरण उपोषणाला सुरुवात केली आहे.सदरील माहिती दिलेल्या बँक स्टेटमेंट मधे चेक हा व्यक्तिशः देता येत नसतानाही कोणत्याही एजन्सीला चेक न देता गावातील महेश्वर मुंढे या नावाने चेक नंबर 998925 प्रमाणे 7 लक्ष,चेक नंबर 998931 प्रमाणे 5 लक्ष 38 हजार,चेक नंबर 998948 प्रमाणे 2 लक्ष 50 हजार,रामदास राठोड चेक नंबर 998937 प्रमाणे 5 लक्ष,चेक नंबर 998942 प्रमाणे 4 लक्ष,चेक नंबर 998950 प्रमाणे 2 लक्ष 74 हजार,चेक नंबर 998951 प्रमाणे 2 लक्ष 80 हजार,रामेश्वर विनायक चेक नंबर 998952 प्रमाणे 2 लक्ष 75 हजार,विजय मंगु राठोड चेक नंबर 998953 प्रमाणे 60 हजार,चेक नंबर 998947 प्रमाणे
1 लक्ष 60 हजार, वैजनाथ रघुनाथ मुंढे चेक नंबर 998949 प्रमाणे 3 लक्ष 49 हजार,अमोल मच्छिंद्र चेक नंबर 998943 प्रमाणे 4 लक्ष,चेक नंबर 998934 प्रमाणे 5 लक्ष,चेक नंबर 998928 प्रमाणे 5 लक्ष,गजानन मच्छिंद्र 998927 प्रमाणे 10 लक्ष,चेक नंबर 998930 प्रमाणे 5 लक्ष 38 हजार,शिवकुमार रामा मुंढे 998936 प्रमाणे 4 लक्ष 35 हजार,मारोती दत्ता मुंढे चेक नंबर 998923 प्रमाणे 5 लक्ष आणि ग्रामसेवक राठोड व गट विकास अधिकारी यांचा संयुक्त खात्यातून स्वतः दिनांक 04/11/2023 रोजी एकाच दिवशी उचल झालेली रक्कम चेक नंबर 998938 प्रमाणे 1 लक्ष 35 हजार,चेक नंबर 998939 प्रमाणे 3 लक्ष, चेक नंबर 998940 प्रमाणे 5 लक्ष, चेक नंबर 998941 प्रमाणे 5 लक्ष, चेक नंबर 998944 प्रमाणे 1 लक्ष 56 हजार रुपयांचा चेक इतरही काही चेक खाजगी व्यक्तींचा नावाने उचल करण्यात आलेले आहेत. या सर्वच खाजगी व्यक्तींचा नावाने आमचा गावाचा विकासाचा निधी उचलून भ्रष्टाचार केला असल्याचे उपोषण कर्त्यानी बँक स्टेटमेंटचा प्रति देत बोलून दाखवले आहे.सदरील प्रकरणी जिल्हा स्तरीय अधिकाऱ्यानं मार्फत आमचा समक्ष चौकशी न झाल्यास विभागीय आयुक्त कार्यालय औरंगाबाद समोर आमरण उपोषणाला बसणार असल्याचे त्यांनी बोलून दाखवले.
Comments
Post a Comment