अमन कुंडगीर यांच्या प्रयत्नाला यश; किनवट ते शेगाव बस सुरू किनवट बसस्थानकावरून दररोज सुटेल सकाळी 6 वाजता शेगावसाठी बस

 

किनवट : प्रवाशांच्या गैरसोयी लक्षात घेता प्रवाशांच्या सोयीसाठी लांब पल्ल्याच्या बसगाड्या सुरू करण्यात याव्यात या मागणीचे निवेदन धनगर समाज संघर्ष समिती, महाराष्ट्र राज्यचे युवक प्रदेशाध्यक्ष अमन कुंडगीर यांनी पद्मश्री मा.खा. डॉ.विकास महात्मे व किनवट माहूर चे आमदार भीमराव केराम तसेच किनवट बस आगार प्रमुखांना देण्यात आले होते. या निवेदनाची दखल घेऊन किनवट बस आगाराने किनवट ते शेगाव बससेवा सुरू केली आहे. यामुळे शेगावकडे प्रवास करणार्‍या प्रवाशांनी समाधान व्यक्त केले आहे. 

   किनवट तालुक्यातील जनतेला धार्मिक स्थळाला भेट देण्यासाठी मोठ्या अडचणीला सामोरे जावे लागत होते. त्यामुळे प्रवाशांची अत्यंत गैरसोय होत होती. किनवट ते शेगाव बस सुरू झाल्याने अनेक धार्मिक स्थळाला भेट देणार्‍या प्रवाशांची गैरसोय दूर झाली आहे. धनगर समाज संघर्ष समिती, महाराष्ट्र राज्यचे युवक प्रदेशाध्यक्ष अमन कुंडगीर यांनी पद्मश्री मा.खा. डॉ.विकास महात्मे व आमदार भीमराव केराम यांना लेखी निवेदन देवून याबाबत पाठपुरावा करण्यासाठी त्यांना निवेदनाद्वारे कळविले होते. याची तात्काळ दखल घेवून मा.खा. डॉ.विकास महात्मे यांनी आगाराच्या वरिष्ठांना कळवून लांब पल्ल्याच्या गाड्या सुरू करण्याच्या सूचना दिल्या. तसेच किनवट वरुन नांदेड साठी सायंकाळ च्या वेळेत एक किनवट नांदेड अशी बस चालू करण्याची मागणी केली आहे.सायंकाळ ची अदिलाबाद पुर्णा ही रेल्वेगाडी गेल्या नंतर कोणते ही साधन नांदेड येथे जाण्यासाठी उपलब्ध नाही.ती पण लवकर चालू करू अशी ग्वाही किनवट बस आगार प्रमुखांनी दिली आहे. किनवट ते शेगाव ही लांब पल्ल्याची बस सेवा सुरू झाल्याने अमन कुंडगीर यांनी मुख्यमंत्री एकनाथ शिंदे, पालकमंत्री गिरीष महाजन, मा.खा.डॉ.विकास महात्मे व आमदार भीमराव केराम यांचे आभार व्यक्त केले आहे.