किनवट शहरातून जाणाऱ्या राष्ट्रीय महामार्गाचे काम त्वरीत सुरू करा व दुभाजक बसवा- मराठी पत्रकार परिषदेची मागणी
किनवट : शहरातून जाणाऱ्या राष्ट्रीय महामार्ग 161/A मागील पाच ते सहा वर्षांपासून रेंगाळत पडलेल्याने व रस्त्यावरील खड्ड्यांमुळे व धुळीमुळे नागरिकांना अतोनात होत असलेल्या त्रासाबाबत मराठी पत्रकार परिषदेच्या वतीने रास्तारोको आंदोलन करण्यात आले.या आंदोलनावेळी शारदा कंट्रक्शनच्या वतीने पाच दिवसात आम्ही रस्ता दुरुस्त करणार असे लेखी आश्वासन देण्यात आले.
दोन तास चाललेल्या रास्ता रोको आंदोलनामुळे शहरातील वाहतूक पूर्ण पणे विस्कळीत झाली होती वाहनांच्या लांबच लांब रांगा ही लागल्या होत्या. काही काळ वाहतूक विस्कळीत होऊन नंतर पोलीस प्रशासनाने वाहतूक सुरळीत केली.
मागील पाच ते सहा वर्षांपासून राष्ट्रीय महामार्गाच्या कामामुळे शहरातील डॉ. बाबासाहेब आंबेडकर चौक ते अशोक स्तंभ व स्व. बाळासाहेब ठाकरे चौक ते गोकुंदा येथील पेट्रोल पंप पर्यंतच्या रस्त्यावर अनेक ठिकाणी खड्डेच खड्डे व धुळीचे साम्राज्य होऊन अपघात ही झाले तसेच रस्त्याच्या मधोमध डिव्हायडर बसवण्यात आले नाही याप्रकरणी वारंवार शासनाला निवेदन देऊन सुद्धा आजपर्यंत त्याची दखल घेण्यात आली नसल्याने मराठी पत्रकार संघाच्या वतीने रास्तारोको आंदोलनाची हाक देण्यात आली होती त्या रास्तारोकोला सर्वपक्षीय व व्यापाऱ्यांनी सहभाग नोंदवून रास्तारोको यशस्वी केले. रास्तारोको आंदोलनावेळी शासनाने नियुक्त केलेल्या शारदा कंट्रक्शनचे शेख जावेद व रोशन चव्हाण यांनी वरिष्ठांच्या आदेशानुसार त्वरित कामाला सुरुवात करून पाच दिवसात आम्ही रोडची दुरुस्ती करू असे लेखी पत्र मराठी पत्रकार परिषदेच्या अध्यक्ष्यांकडे सोपविल्याने दोन तास सुरू असलेले रास्तारोको आंदोलन पाच दिवसासाठी मागे घेण्यात आले पाच दिवसानंतर रोडची दुरुस्ती न झाल्यास तीव्र आंदोलन छेडणार असल्याचे याप्रसंगी सांगण्यात आले.
यावेळी वैजनाथ करपुडे पाटील व्यंकट भंडारवार माजी नगराध्यक्ष के.मूर्ती पत्रकार मराठा सेवा संघाचे तालुकाध्यक्ष दगडू भरकड परिषदेचे जिल्हा उपाध्यक्ष फुलाची गरज पाटील जेष्ठ पत्रकार प्रदीप वाकोडीकर तालुकाध्यक्ष प्रमोद पोहरकर सचिव बालाजी सिरसाट कार्याध्यक्ष किरण ठाकरे ,बबन वानखेडे ,विलास सूर्यवंशी ,दिलीप पाटील ,गौतम येरेकर, दुर्गादास राठोड ,विनोद भरणे ,शरद जैस्वाल अमरदीप कदम प्रशांत कोरडे प्रशांत सातुरवार ,संदीप कराळे, सुनील चव्हाण, विश्वास कोल्हारीकर, शैलेश गटलेवार,,मिलिंद धावारे ,नागनाथ भालेराव यांच्यासह रास्तारोको आंदोलनात सर्वपक्षीय नेते कार्यकर्ते व पत्रकार मंडळी उपस्थित होते.
Comments
Post a Comment