ॲड. चंद्रशेखर आझाद लोकसभेवर निवडून आल्या बद्दल किनवट मध्ये जल्लोष

 

ता. प्र. किनवट : उत्तर प्रदेशातील नगिना मतदारसंघातून आझाद समाज पार्टीचे व भीम आर्मी संघटनेचे संस्थापक अध्यक्ष तथा बहूजन नेते, अ‍ॅड. चंद्रशेखर भाई आझाद यांना नगिना मतदारसंघातून प्रचंड मताधिक्याने निवडून देवून लोकसभेत पाठविल्याने किनवट येथे जल्लोष साजरा करण्यात आला. भीम आर्मीचे तालुकाध्यक्ष सिध्दांत खोब्रागडे यांच्या नेतृत्वात असंख्य कार्यकर्त्यांनी ता.4 जून रोजी सायं.7.00 वाजता डॉ.बाबासाहेब आंबेडकर पुतळ्याजवळ जमून डॉ.बाबासाहेब आंबेडकरांना अभिवादन केले व विजयाचा जल्लोष साजरा केला. अ‍ॅड. चंद्रशेखर भाई आझाद हे 5,12,552 अशा प्रचंड मताधिक्याने निवडून आले. त्यांचे प्रतिस्पर्धी भाजपाचे ओम कुमार यांचा पराभव केला ओम कुमार यांना 3,61,079 इतकी मते मिळाली. त्यांच्या या विजयाबद्दल त्यांचे पक्ष व संघटनेच्या वतीने अभिनंदन करण्यात आले.    या विजयी जल्लोषात सामाजिक कार्यकर्ते अभय नगराळे, अ‍ॅड.सम्राट सर्पे, सुगत नगराळे, भीम आर्मीचे तालुकाध्यक्ष सिध्दांत खोब्रागडे, किरण कहाते, आदित्य कयापाक, प्रतिक लढे, राहुल करमकार, मंगेश कुंभारे, सुबोध कांबळे, सुमित शेंद्रे, क्षितीज मुनेश्‍वर, योगेश भवरे, निवेदक कानिंदे, शरण लोखंडे, अभिषेक भगत, अनिकेत भरणे, विपीन पवार, राजू पाटील, प्रज्वल ओंकार, सोज्वळ ओंकार आदींसह अनेकांचा सहभाग होता.