राष्ट्रपिता जोतिराव फुले व डॉ. बाबासाहेब आंबेडकर जयंती निमित्त भरगच्च कार्यक्रमांचे आयोजन

 ✒️ राजेश पाटील

किनवट शहर प्रतिनिधी:-

राष्ट्रपिता जोतीराव यांची १९७ वीफुले व राष्ट्र निर्माते डॉ. बाबासाहेब आंबेडकर यांची १३३ वी संयुक्त सार्वजनिक जयंती उत्सव सोहळ्या निमित्त भरगच्च कार्यक्रमांचे आयोजन करण्यात आले आहे अशी माहिती उत्सव समितीचे अध्यक्ष गौतम पाटील यांनी दिली आहे.

११ एप्रील ते १४ एप्रील दरम्यान विविध सामाजिक उपक्रम तथा विविध स्पर्धांचे आयोजन करण्यात आले आहे

११ एप्रिल रोजी महात्मा फुले चौक येथील महात्मा फुले व सावित्रीबाई फुले यांच्या स्मारक परिसरात अभिवादन व ध्वजारोहन कार्यक्रम होईल 

नंतर किनवट परिसरात  सकाळी दहा वाजता १० वी व १२ वीच्या विद्यार्थ्यांकरीता मार्गदर्शन (व्याख्यान) शिबिर होईल या कार्यक्रमास मार्गदर्शक म्हणून  (बळीराम पाटील महाविद्यालयाचे उपप्राचार्य तथा व्याख्याते , अभ्यासक ) डॉ. पंजाब शेरे, रत्नदीप गंगाळे (सहाय्यक प्राध्यापक महात्मा ज्योतीबा फुले कॉलेज ऑफ सोशल वर्क, संशोधन अधिकारी टाटा सामाजिक विज्ञान संस्था मुंबई ), स्वप्निल भालेराव (समतादुत डॉ. बाबासाहेब आंबेडकर संशोधन संस्था बार्टी , पुणे, जनसंपर्क अधिकारी ),

हे उपस्थित राहणार आहेत तर दुपारी १२ वाजता रांगोळी स्पर्धा महिलां करिता होणार आहेत .

सांयकाळी ६ वाजता इयत्ता ५ वी ते१२ वी च्या विद्यार्थ्यांसाठी फुले- आंबेडकर जिवन चरित्र या विषयावर वकृत्व स्पर्धेचे आयोजन होणार आहे.

१२ एप्रिल रोजी ५ ते २५ वयोगटातील स्पर्धकासाठी सांस्कृतिक नृत्य स्पर्धाचे आयोजन करण्यात आले आहे सदरील नृत्य बुद्ध- भीम गितावर आधारित राहील .

१४ एप्रिल रोजी सकाळी ९ वाजता डॉ. बाबासाहेब आंबेडकर यांच्या जयंतीनिमित्त अभिवादन कार्यक्रम पंचशिल ध्वजारोहण होईल या नंतर १० ते ४ या वेळेत डॉ. बाबासाहेब आंबेडकर पुतळा परिसरात 

भव्य आरोग्य शिबिराचे आयोजन केले आहे या शिबिरास डॉ. सुनंदा भालेराव, डॉ. मनोज घडसिंग, डॉ. सुरज वाकोडे, डॉ. महेंद्र ना. कांबळे, डॉ. पल्लवी कांबळे, डॉ. अश्वघोष गायकवाड,

डॉ. संजय लोमटे, डॉ. अभिजित ओव्हळ यांच्या तर्फे मोफत वैद्यकीय तपासणी होणार आहे तर मराठवाडा पॅथोलॉजी लॅब किनवट तर्फे मोफत रक्त तपासणी होईल 

या कार्यक्रमास मोठ्या संख्येने उपस्थित राहावे असे फुले - आबेंडकर सार्वजनिक उत्सव समितीचे अध्यक्ष गौतम पाटील, उपाध्यक्ष निखिल दि. कावळे, योगेश भवरे ,सचिव प्रशिक मुनेश्वर, सह सचिव आकाश सर्पे, संघर्ष घुले, संयोजक सुरेश कावळे, कोषाध्यक्ष आकाश आळणे , सुरज भरणे, सहकोषाध्यक्ष स्वप्नील सर्पे, निवेदक कानिंदे व पदधिकारी यांनी केले आहे.