धनगर समाज संघर्ष समितीच्या युवक प्रदेशाध्यक्षपदी अमन कुंडगीर

 

राज्यस्तरीय अधिवेशनात राष्ट्रीय अध्यक्ष पद्मश्री मा.खा.डॉ. विकास महात्मे यांनी दिले नियुक्तीचे पत्र

किनवट ः धनगर समाज संघर्ष समिती महाराष्ट्र राज्य च्या युवक प्रदेश अध्यक्षपदी अमन कुंडगीर यांची नियुक्ती करण्यात आली. धनगर समाज संघर्ष समिती महाराष्ट्र राज्यचे द्वितीय राज्यस्तरीय अधिवेशन रविवारी दि.10 मार्च 2024 रोजी क्षितिज पॅलेस अमरावती येथे पार पडले. या अधिवेशना दरम्यान राष्ट्रीय अध्यक्ष पद्मश्री मा.खा.डॉ. विकास महात्मे यांचे हस्ते त्यांना नियुक्तीचे पत्र देण्यात आले. 

      आपले ध्येय आरक्षण मिळविणे असून वाड्या, वस्ती, डोंगराळ भागातील शेवटच्या धनगर बांधवांपर्यंत पोहचवून त्यांचा विकास करण्यासाठी अमन कुंडगीर यांना मोठी जबाबदारी सोपविण्यात आली आहे. 

         अमन कुंडगीर हे नेहमी समाजासाठी धडपडत असतात. त्यांनी केलेले उल्लेखनिय कार्य व सतत समाजाच्या प्रश्‍नासाठी आंदोलने, मोर्चे, सभा, बैठका या सर्व बाबींचा विचार करून त्यांना युवक प्रदेश अध्यक्षपदी नियुक्ती करण्यात आले आहे. 

         धनगर समाजाचे ज्वलंत प्रश्‍न मार्गी लावण्यासाठी व तळागाळातील प्रत्येक समाज बांधवांच्या समस्या आपण सोडवू असे यावेळी युवक प्रदेश अध्यक्ष अमन कुंडगीर यांनी सांगीतले. याप्रसंगी धनगर समाज संघर्ष समिती महाराष्ट्र राज्यचे प्रदेशाध्यक्ष अनंत बनसोडे, प्रदेश सचिव ज्ञानेश्‍वर परदेसी, महिला प्रदेशाध्यक्षा शितलताई चिंचोरे, प्रदेश प्रसिध्दी प्रमुख सुनील धनगर यांचेसह समितीच्या सर्व पदाधिकार्‍यांची उपस्थिती होती.