किनवट शहर बातमीदार:-
किनवट नगर परिषदेसाठी तयार केलेल्या विकास योजनेचेचा ड्राफ्ट हा शहरातील नागरीकांकरिता अवलोक, सुचना, हरकती करिता प्रसिध्द करण्यात यावे अशा आशयाचे निवेदन भारतीय राष्ट्रीय कॉंग्रेस पक्षाच्या शिष्टमंडळाने मुख्याधिकारी नगर परिषद किनवट यांना सादर केले आहे.
किनवट शहराचा विकास योजनेचा ड्राफ्ट हा संचालक नगर रचना नदिड यांनी दिनांक ११ रोजी किनवट नगर परिषदेला पाठवले आहे. परंतु प्राप्त झालेला ड्राफ्ट अद्यापही किनवट शहरातील स्टेक होल्डरच्या अवलोकनार्थ तथा सुचना व हरकती करिता प्रसिध्द करणे आवश्यक असतो तसा नियम हि आहे. परंतु नियमांच्या पायमल्ली करिता प्रचलित असलेल्या किनवट नगर परिषदे करिता हि
बाब नित्याचीच झालेली आहे. त्यामुळे कोणतेहि काम नियमांने होत नाही. येथिल लोकप्रतिनिधींचे नियंत्रण कर्मचा-यावर मोठा गाजावाजा करुन निवडणुक लढवून आलेले लोकप्रतिनिधी हे गेल्या पाच वर्षात निष्क्रिय ठरले असुन त्यांचा कोणत्याही प्रकारचा नियंत्रण नसल्याने अशा प्रकारे शहरातील नागरीकांना असुविधांचा सामना करावा लागत आहे असा आरोप यावेळी कॉंग्रेस पक्षाकडुन करण्यात आला आहे.
भारतीय राष्ट्रीय कॉंग्रेस पक्षाचे सरचिटणिस गिरिष नेम्मानिवार यांनी यावेळी नगर परिषदेस् खुलासा सादर करण्याचे आवाहन केले आहे अन्यथा सदर प्रकरणी न्याय मिळवण्याकरिता मा. जिल्हाधिकारी नांदेड यांच्या कडे धाव घेण्यात येणार असल्याचे नेम्मानिवार यांनी सांगितले आहे.
भारतीय राष्ट्रीय काँग्रेस पक्षाने सादर केलेल्या निवेदनावर कॉंग्रेस पक्षाचे तालुका अध्यक्ष नाही, सुर्यकांत रेड्डी, सरचिटणिस गिरिष नेम्मानिवार, युवक अध्यक्ष आशिष क-हाळे पाटील, इश्वर चव्हान, वसंत राठोड, जवाद आलम, शेख शादुल्ला, स्वामी नुतपेल्लीवार यांच्या स्वाक्ष-या आहेत तर निवेदन सादर करतांना उपस्थित देखिल होते. नगर परिषद कार्यालयात निवेदन स्विकारण्याकरिता कर्मचा-यांची उपस्थिती नसल्याने उपस्थितांनी गैरकारभारावर संताप व्यक्त केला आहे. ऐन वेळी कर्मचा-यांना बोलावुन निवेदन द्यावे लागल्याने नगर परिषदेची काय अवस्था आहे व वरिल प्रकार हा संतापजनक आहे असे माध्यमांशी बोलतांना कॉंग्रेसचे सरचिटणिस गिरिष नेम्मानिवार यांनी सांगितले.
Comments
Post a Comment