कॉस्मापॉलिटन विद्यालयामुळे विद्यार्थ्यांना मिळाली सुर्यग्रहण पाहण्याची संधी.

 

किनवट:(तालूका प्रतिनिधी) 

         कॉस्मापॉलिटन विद्यालय किनवटमुळे सुर्यग्रहण पाहण्याची संधी येथील विद्यार्थ्यी, पालक व  नागरिकांना मिळाली.  शाळेतील सहशिक्षक बाळकृष्ण कदम यांनी

दि. 25  रोजी सांय 5 च्या नंतर सूर्यग्रहणाचे निरीक्षण करून  खंडग्रास सूर्यग्रहणा विषयी विद्यार्थ्यांना माहिती दिली. या वेळी सुर्यग्रहण पाहण्यासाठी सौर फिल्टरचा वापर करण्यात आला.

         किनवट शहरातील कॉस्मापॉलिटन विद्यालयाने प्रथमतः संगणक प्रयोग शाळेतून प्रोजेक्टरद्वारे विद्यार्थ्यांना सुर्यग्रहण कशा पद्धतीने घडते या विषयी चित्रफित दाखवून माहिती दिली. यामुळे विद्यार्थी, पालक आणि परिसरातील नागरिकांना वैज्ञानिक माहीती मिळाल्याने आनंदाचे वातावरण होते.

 कॉस्मापॉलिटन विद्यालयाने आपल्या विद्यार्थ्यांना खगोलीय घटनेचा अभ्यास व्हावा यासाठी सुर्यग्रहण पाहण्यासाठी सौर फिल्टरची व्यवस्था केलेली होती. ग्रहण पाहण्यासाठी अनेक विद्यार्थी सुट्टी असतांना सुद्धा शाळेत उपस्थित होते हे विशेष. तर परिसरातील नागरिक ही मोठ्या संख्येने उपस्थित होते. दरम्यान 4 वाजून 58 मिनिटांनी सूर्यग्रहणास सुरवात झाली. जस-जसा वेळ पुढे सरकत होता तस-तशी सुर्यग्रहण पाहण्यासाची उत्सुकता वाढत होती. विद्यालयाच्या छतावर शाळेतील विद्यार्थ्यी, पालका, परिसरातील नागरिकांनी सूर्यग्रहण पहाण्याचा आनंद लुटला. जवळपास 1 तास एवढ्या कालावधीत हे सूर्यग्रहण चालले.  या वेळी  संस्थेचे सचिव पी व्ही रामतिर्थकर, अध्यक्ष एन. व्ही रामतिर्थकर, मुख्याध्यापक रावसाहेब घोरबांड यांच्या मार्गदर्शनाखाली पर्यवेक्षक रमेश बारापात्रे , सहशिक्षक बाळकृष्ण कदम, राजू बोलेनवार, सेवक प्रकाश हुलकाने आदींनी परिश्रम घेत. दिवाळीच्या सुट्यात शालेय विद्यार्थीसांठी  सूर्यग्रहण पाहण्याचा कार्यक्रम आयोजित करणारी किनवट तालुक्यातील कॉस्मापॉलिटन विद्यालय कदाचीत एकमेव शाळा असेल असे म्हटल्यास वावगे ठरणार नाही.