(किनवट शहर प्रतिनिधी):-
शहरांमधील युवक व नागरिकांना मॉर्निंग वॉक, व्यायाम व बॅडमिंटन खेळण्याकरिता क्रीडा संकुलन असून या संकुलनची दयनीय अवस्था बनत चालली आहे . बॅडमिंटन इंनडोअर हॉलमधील दोन उडणकोट असून पूर्णपणे निकामी झाले असल्याकारणाने आदिवासी दुर्गम भागातील युवक नागरिकांना खेळण्याकरीता उडनकोट किंवा पर्यायीकोट तयार करून देण्यात यावा अशा मागणीचे निवेदन तालुकाक्रीडा संकुलन अधिकारी यांच्या मार्फत क्रीडा संकुलन सचिव तहसीलदार यांना न .पा. चे माजी उपनगराध्यक्ष तथा नगरसेवक अभय महाजन यांच्या नेतृत्वाखाली खेळाडूंनी दिले आहे .
याबाबत सविस्तर वृत्त असे की, किनवट शहरात सहायक जिल्हाधिकारी जी. श्रीकांत यांच्या कार्यकाळात क्रीडा संकुलन उभारणी करण्यात आली होती . या क्रीडा संकुलांचा उपयोग अनेक नागरिक व व्यायाम करण्याकरीता युवक वर्ग घेत होते. बॅडमिंटन खेळण्याकरिता अनेक खेळाडू व कर्मचारी वर्ग इंन डोअर बॅडमिंटन कोट चा फायदा घेतात. परंतु आज या दोन्ही कोट ची दयनीय अवस्था झाली आहे. तर लाईटची सुविधा नाही. सर्व रिपर निघाल्यामुळे खेळताना त्यांचे पायस गंभीर दुखापत होण्याची भीती निर्माण झाली आहे. वारंवार या दोन्ही कोटची दुरुस्ती करण्याची मागणी करूनही यावर दुर्लक्ष केल्या जात आहे. येथे निकामी झालेल्या कोटवर बॅडमिंटनच्या अनेक स्पर्धा घेतल्या जातात. या क्रीडा संकुलन करिता क्रिडाधिकारी नियुक्ती असूनही त्यांची भेटत दुर्मिळ असल्याची जोरदार चर्चा होत आहे.
क्रिडा संकुलन समितीचे अध्यक्ष आमदार तर सचिव तहसीलदार यांची नियुक्ती असल्याने बॅडमिंटन खेळणाऱ्या खेळाडूंनी तहसीलदार यांना सीएनटी किंवा कोबाकोट तयार करून मिळणे बाबतचे लेखी निवेदन तालुका क्रीडा संकुलन अधिकारी यांना दिले आहे. बॅडमिंटन इंडोअर कोटची तात्काळ दुरुस्ती व लाईट लावून द्यावे अशी मागणी खेळाडूंमधून जोर धरत आहे. या निवेदनावर अभय महाजन, शिवाजी जाधव, प्रशांत कोरडवार, अनिल राठोड, संजय नेम्मानीवार, राजेश ठोंबरे, प्रमोद पोहरकर, शादाब शेख, सिडाम सर, चंदनकर, एडके, भोसले, बंडू राठोड, चंद्रशेखर व्यवहारे, दत्ता गिराम या खेळाडूंच्या स्वाक्षऱ्या आहेत.
Comments
Post a Comment