Skip to main content

मोलमजुरी करणाऱ्या डुंबरेची लेक ९९.४० गुण मिळवुन जुन्नर तालुक्यात प्रथम

 


जुन्नर:-

कु.श्रावणी रामदास डुंबरे ओतूर ही  इयत्ता १० वीत  ९९.४०% गुण मिळावून जुन्नर तालुक्यात प्रथम आली आहे.तीची आई मोलमजुरी करते तर.... वडील चाकण येथे सेक्युरीटी गार्ड म्हणून नोकरी  करतात. जिद्द, सातत्य, परिश्रम , ठरवलेले ध्येय यांच्या जोरावर श्रावणीने मिळविलेले यश नक्कीच इतरांसाठी प्रेरणादायी आहे. एकीकडे इंग्लिश मिडीयमसाठीचा आग्रह , खाजगी ट्युशन, स्वतंत्र अभ्यास खोली हवे ते लाड पुरविण्याचा पालकांचा  प्रयत्न या बाबी एकीकडे आणि दुसरीकडे कुडाचे घर, सारवलेली जमीन , घरकामासाठी करावी लागणारी मदत , कुठलाही खाजगी क्लास नाही , कुठल्याही सुविधा नाहीत. तरीही एवढे गुण मिळविणे ही साधी बाब नव्हे. यावरून एक गोष्ट नक्की लक्षात येते की , बुध्दीमत्ता ही कुणाची मिरासदारी नाही. खरं तर सरस्वतीला गरीबांच्या झोपडीत राहायला आवडते.आणि सरस्वती आली की  पाठोपाठ आपोआप लक्ष्मी येतेच.यानिमित्ताने पालकांनी दुसरीही गोष्ट लक्षात घ्यावी. आपला पाल्य महत्त्वाच्या वर्गात आहे म्हणून , तो म्हणेल ते सर्वच लाड पुरवत बसू नये. कधीतरी नाही म्हणायची सवय सुध्दा ठेवावी. नाही तर कधी मनासारखे घडले नाही की मुले कुडतात ,कोलमडतात किंवा आक्रमक होतात. आपल्या पाल्यांस पुरवल्या जाणाऱ्या सोयींबरोबरच  , त्याला विश्वासात घ्यावे, ध्येय निश्चित करावे , वेळ उपलब्ध करून द्यावा, तो सतत उत्साही , आनंदी राहील असे पाहावे. त्याला प्रोत्साहन द्यावे.शारिरिक दृष्ट्या तो सक्षम राहील असे पाहावे. त्याच्या सोबत सकारात्मक गप्पा माराव्यात.अवास्तव दडपण टाकू नये किंवा अतिरिक्त ताण येणार नाही याची काळजी घ्यावी.मला वाटत श्रावणीच्या बाबतीत या सर्व बाबी एकवटून घडल्या असतील. तीची मेहनत, पालकांचे प्रोत्साहन, शिक्षकांचे मार्गदर्शन आणि तीला सर्वांनी दिलेल्या मनापासूनच्या शुभेच्छा. या जोरावर ती मोठ्या यशापर्यंत पोहचली. श्रावणी बेटी ! अशीच यशाची उंच शिखरे गाठत राहा.यशवंत हो! गुणवंत हो ! कीर्तीवंत हो !                               तुझ्या जिद्दीला, तुझ्या यशाला, आमचा सलाम..,...      जी.के.औटी सर 🙏🏻🙏🏻🙏🏻🙏🏻

Comments

Popular posts from this blog

किनवट तालुक्यातील मारेगाव खालचे येथील नाल्यात तीन मुलींचा बुडून दुर्देवी मृत्यू

  सत्यशोधक न्युज किनवट तालुक्यातील मारेगाव (खा) येथे पाण्यात बुडून ३ युवतींचा मृत्यू झाल्याची घटना दुपारी दोनच्या सुमारास घडली. असुन सदरील या घटनेने परिसरात एकच हळहळ व्यक्त होत आहे. याबाबत मिळालेल्या माहितीनुसार सविस्तर वृत्त असे की, मारेगाव येथील स्वाती देविदास कांबळे (१२ वर्षे,) पायल देविदास कांबळे (१६ वर्ष) आणि ममता सुरेश विविधकर (१९ वर्ष) रा. मारेगाव (खालचे) ता. किनवट ह्या तीन तरुणांचा पाण्यात बुडून मृत्यू झाला. किनवट जवळील मारेगाव (खा) ऐथे असलेल्या पैनगंगा नदीच्या शेजारील नाल्यामध्ये पाय घसरून पडल्यामुळे एक मुलीला वाचवण्यासाठी दुसरी मुलगी पाण्यात गेली. त्यानंतर, तिसऱ्या मुलीनेही दोघींना वाचवण्यासाठी पाण्यात धाव घेतली. मात्र, एकमेकींना वाचविण्याच्या नादात तीनही मुलींचा पाण्यात बुडून मृत्यू झाला. या घटनेनं मारेगाव गावावर शोककळा पसरली असून सर्वत्र हळहळ व्यक्त होत आहे. दरम्यान, घटनेची माहिती मिळता किनवट पोलीस स्टेशन येथील पोलिसांनी घटनास्थळी धाव घेऊन पंचनामा केला आहे. तिन्ही मुलींचे मृतदेह पाण्यातून बाहेर काढण्यात आले असून शवविच्छेदनासाठी किनवट येथील उपजिल्हा रुग्णालय गोकुंदा येथे आणण

रामविजय गरड यांना राज्यस्तरीय कुणबी मराठा समाज भुषण पुरस्कार जाहीर

  किनवट (तालुका प्रतिनिधी) किनवट येथील राधाई हार्डवेअर अँड मशीनरी चे मालक  तथा सामाजिक कार्यकर्ते रामविजय श्रीनिवास गरड (पाटील ) यांना त्यांच्या आर्थिक,सामाजिक, राजकीय,  तथा बिजनेस स्किल या विविधांगी गुणांचा व विविध क्षेत्रातील कार्याची दखल घेऊन ' महाराष्ट्र राज्य कुणबी मराठा महासंघाच्या वतीने' वर्ष २०२४चा राज्यस्तरीय कुणबी मराठा भुषण पुरस्कारा साठी निवड करण्यात आलेली आहे. सदरिल निवड झाल्याची माहिती कुणबी मराठा महासंघाचे महाराष्ट्र राज्य प्रदेशाध्यक्ष गिरीश भाऊ जाधव यांच्या मार्गदर्शना नुसार तालुका अध्यक्ष श्री सुनील उमाजी चव्हाण यांनी आमच्या प्रतिनिधी व प्रसार माध्यमांच्या प्रतिनिधींना सांगितले आहे. सदरील पुरस्काराचे वितरण दिनांक २५ ऑगस्ट रोजी रविवार सकाळी ११-३० वा भक्ती लांन्स नांदेड नगरीत माजी मुख्यमंत्री तथा विद्यमान खासदार अशोक चव्हाण आणि विद्यमान आमदार भावना गवळी यांच्या हस्ते होणार आहे.श्री रामविजय गरड पाटील यांना मिळालेल्या या पुरस्काराबद्दल त्यांचे श्री शंकर जाधव यांनी  घोटी गावाचे उपसरपंच राजू सुरूशे पाटील यांनी  अभिनंदन केले.. अखिल भारतीय मराठी पत्रकार संघाचे माजी ता

.. महाराष्ट्रातील निवडणुका बॅलेट पेपरवर होणार; निवडणूक आयोगाच्या अधिकाऱ्यांची माहिती

 महाराष्ट्र:- देशातील लोकसभा निवडणूक 2024 चा कार्यक्रम केंद्रीय निवडणूक आयोगाद्वारे जाहीर करण्यात आला असून महाराष्ट्रात 19 एप्रिल ते 20 मे या कालावधीत एकूण पाच टप्प्यांमध्ये निवडणूक होणार आहे. या निवडणुकीची आदर्श आचारसंहिता शनिवारपासून लागू झाली आहे. महाराष्ट्रात यंदाची निवडणूक विविध मुद्द्यांनी गाजणार आहे. यामध्ये मराठा आरक्षणाचा मुद्दाही महत्त्वाचा ठरण्याची शक्यता आहे. राजकीय नेत्यांना आपली ताकद दाखवून देण्यासाठी मराठा आरक्षण आंदोलक मनोज जरांगे पाटील यांनी महाराष्ट्रातील सर्व ४८ मतदारसंघांत समाजातील तरुणांनी शेकडो उमेदवारी अर्ज दाखल करावेत, असं आवाहन केलं आहे. उमेदवारांची संख्या प्रचंड प्रमाणात असेल तर ईव्हीएमवर निवडणुका घेणं कठीण होणार आहे. अशातच आज राज्याचे मुख्य निवडणूक अधिकारी तथा प्रधान सचिव एस. चोक्कलिंगम यांनी घेतलेल्या पत्रकार परिषदेत ईव्हीएमच्या क्षमतेबाबत माहिती दिली आहे. ईव्हीएमसंदर्भात विचारण्यात आलेल्या प्रश्नावर बोलताना एस. चोक्कलिंगम म्हणाले की, "एका मतदारसंघात ४०० उमेदवारांहून अधिक उमेदवारांनी निवडणुकीसाठी अर्ज दाखल केल्यास आपल्याला बॅलेट पेपरवर निवडणूक घ्यावी ला