टिपु सुलतान यांच्या विषयी अपशब्द काढुन सामाजिक भावना दुखावल्या बद्दल फडणवीसवर कारवाई करा टिपु सुलतान ब्रिगेडची मुख्यमंञ्याकडे मागणी

 

उमरी/ सय्यद नदीम. राज्याचे विरोधी पक्षनेते व माजी मुख्यमंत्री देवेंद्र फडणवीस यांनी प्रजासत्ताक दिनी देशाचे पहिले स्वातंत्र्यसैनिक शहीद टिपू सुलतान यांच्या विषयी अपशब्द वापरून त्यांचा अपमान केला.या प्रकरणी त्यांच्यावर कारवाई करण्यात यावी अशी मागणी टिपु सुलतान ब्रिगेडच्या वतीने तहसिलदारांमार्फत मुख्यमंत्री उध्दव ठाकरे यांच्याकडे निवेदनाद्वारे केली आहे .

 मुंबई येथील मालाडमध्ये बांधण्यात आलेल्या मैदानास टिपू सुलतान यांचे नाव देण्यात आले.  खरेतर अगोदरपासूनच त्या मैदानाचे टिपू सुलतान हे नाव होते. परंतु भाजप व त्याच्या सहयोगी संघटनांनी जाणून बुजून देशाचे पहिले स्वातंत्र्य सैनिक व इंग्रजा विरोध लढता-लढता वीर मरण पत्करणारे एकमेव राजा टिपू सुलतान यांच्या नावावरून वाद सुरू केला.  टिपू सुलतान यांच्या बद्दल अवमानकारक भाषेचा वापर करण्यात आला. राज्यघटनेमध्ये राणी लक्ष्मीबाई यांच्यासोबतच टिपू सुलतान यांचा फोटो लावलेला आहे. महामहिम राष्ट्रपती रामनाथ कोविंद साहेबांनी कर्नाटक विधानसभेत टिपू सुलतान यांच्या बद्दल गौरवोद्गार काढले आहेत. या सर्वांचा देवेंद्र फडणवीस, भाजप व त्याच्या सहयोगी संघटनांना विसर पडलेला आहे. जाणून बुजून वाद निर्माण करून महाराष्ट्र आणि संपूर्ण देशातील वातावरण दुषित करण्याचा प्रयत्न या माध्यमातून हे लोक करीत आहेत. देवेंद्र फडणवीस यांनी टिपू सुलतान यांच्या विषयी क्रूरकर्मा, हिंदू वर अत्याचार करणारा अशा अपशब्दांचा वापर केलेला आहे. हा भारतीय राज्यघटनेचा, मा. राष्ट्रपती महोदयांचा सुद्धा अपमान आहे. याचा अर्थ असा होतो की भाजप आणि त्याच्या सहयोगी संघटनांना देशाची राज्यघटना मान्य नाही. आम्ही सर्व राज्यघटनेवर, राष्ट्रीय एकात्मता आणि अखंडतेवर विश्वास ठेवणारे महाराष्ट्रातील सर्व सुजाण नागरिक असले कृत्य नागरिक कधीच खपवून घेणार नाहीत. आम्ही अशा देश  विघातकी कृत्याचा जाहीर निषेध करतो.

टिपू सुलतान ब्रिगेड महाराष्ट्रच्या वतीने  देवेंद्र फडणवीस यांचा जाहिर निषेध करतो यांच्यावर स्वातंत्र्य सैनिकांचा आणि राज्यघटनेच्या अवमान केल्याबद्दल, देशात अशांतता व समाजात दुही निर्माण करण्याचा प्रयत्न केल्या प्रकरणी कठोर कारवाई करण्यात यावी अशी मागणी करण्यात आली यावेळी टिपु सुलतान ब्रिगेडचे प्रदेशाध्यक्ष डाॅ.जहिरुद्दीन पठाण,जिल्हा संघटक फय्याज पठाण,मुफ्ती अज्जिमुल्ला कासमी, तालुका अध्यक्ष सय्यद फेरोज पटेल,रयत महाराष्ट्र कामगार संघटनेचे जिल्हाध्यक्ष रईस पठाण, विद्यार्थी ब्रिगेडचे अध्यक्ष सय्यद सुलेमान, शेख फारुख,सय्यद आनसार पटेल,अजहर बेग, मोगल आवेज बेग, शे.रियाज,शे.शारेख,तल्हा खुरेशी,शे.मसुद,शे.खाजा ,मुसेब पटेल, अरबाज खाँन,सय्यद मोहसीन, हाफेज सय्यद अहेमद,काजी मुबीनसाब, यांच्यासह  टिपु सुलतान प्रेमी उपस्थित होते.