किनवट शहर प्रतिनिधी (राज माहुरकर)
किनवट नगरपरिषद हद्दीतील विस्थापित झालेल्या कुटुंबापैकी एक कुटुंब किनवट सहाय्यक जिल्हाधिकारी यांच्या कार्यालयासमोर आमरण उपोषणास बसणार असल्याचा इशारा निवेदनाद्वारे देण्यात आला.
अखिल भारतीय अपंग कामगार संघटनेचे शहराध्यक्ष सलाम अब्दुल रहमान हे स्वतः दोन्ही पायाने दिव्यांग असून विस्थापित झालेल्या कुटुंबासह त्यांनी आजपर्यंत न्याय मिळविण्यासाठी अनेक प्रयत्न सामूहिक रीत्या केले होते परंतु विस्थापित झालेल्या कुटुंबामध्ये एक मत नसल्याने शहराध्यक्ष सलाम अब्दुल रहमान यांनी संघटनेचे सचिव राज माहुरकर यांच्याकडे न्याय मिळून देण्याबाबत विनंती केल्यानुसार सदर निवेदन देऊन उपोषणास बसणार आहे गांधीनगर येथील 25 कुटुंबांना अतिक्रमित घोषित करून नगरपरिषदेने कोणताच सक्षम आदेश नसताना बळाचा वापर करून गांधिनगर वासियांना विस्थापित केले असल्याचे चर्चा शहरात जोर धरत आहे विस्थापित झालेले कुटुंब योग्य पद्धतीने शासन प्रशासनाकडे आंदोलन करत नसल्याने सलाम अब्दुल रहमान यांनी संघटनेच्यावतीने न्याय मिळवण्यासाठी 10/01/2022 रोजी सहाय्यक जिल्हाधिकारी किनवट यांच्याकडे निवेदन सादर करून निवेदनाच्या प्रती जिल्हाधिकारी नांदेड, तहसीलदार किनवट, मुख्याधिकारी नगर परिषद किनवट व पोलिस ठाणे यांना दिले आहे निवेदनात त्यांनी मूलभूत सुविधेसह पुनर्वसनाची मागणी करत नगर परिषद हद्दीतील जागेवर पुनर्वसन करण्यात यावे अन्यथा 25/01/2022 पासून कुटुंबासह आमरण उपोषणास बसणार आहेत
Comments
Post a Comment