हिंगोली:-
हिंगोली लोकसभा मतदारसंघातील १० हजार ५७४ घरकुलांना मंजूरी देशात सर्वत्र प्रधानमंत्री आवास योजना राबविण्यात आली मात्र एक वर्षापेक्षा जास्त कालावधी लोटूनही अनेक लाभार्थ्यांना अद्याप त्यांचे निम्मे हप्ते न मिळाल्याने त्यांची घरे अर्धवट राहिली होती, केंद्राच्या निधी अभावी हिंगोली लोकसभा मतदारसंघात ही योजना रखडली होती. त्याची तात्काळ दखल घेऊन मतदार संघातील ६ नगरपालिका व ५ नगरपंचायतीच्या अंतर्गत पंतप्रधान आवास योजनेतील रखडलेला निधी तात्काळ मंजूर करण्यात यावा, यासाठी केंद्रीय गृहनिर्माण मंत्री हरदीप सिंग पुरी Hardeep Singh Puri यांची भेट घेऊन मतदार संघासाठी एकूण १० हजार ५७४ घरकुलांसाठी १५८ कोटी रुपयांचा निधी मंजूर करून आणला आहे. त्यापैकी ५० कोटी रुपयांचा लाभार्थ्यांना वितरित करण्यात आला आहे. त्यात हिमायतनगर तालुक्यासाठी सर्वाधिक ६ कोटी ६१ लक्ष रुपयाचा सर्वाधिक निधी मंजूर झाला आहे. यामुळे सर्वसामान्य नागरिकांचे घराचे स्वप्न साकार होणार आहे.
हिमायतनगर ६ कोटी ६१ लक्ष,
हिंगोली ६ कोटी ४३ लक्ष,
वसमत ४ कोटी १८ लक्ष,
कळमनुरी २ कोटी ४२ लक्ष,
उमरखेड ३ कोटी ८८ लक्ष,
हदगाव ५ कोटी २१ लक्ष,
किनवट ४ कोटी १० लक्ष,
माहूर ५ कोटी ०२ लक्ष,
औंढा नागनाथ ४ कोटी ७२ लक्ष,
महागाव ३ कोटी ७१ लक्ष आणि
सेनगाव साठी २ कोटी ९८ लक्ष आहेत.
आपले घर असावे हे सर्व सामान्य जनतेचे स्वप्न असते आणि ते त्यांना मिळायलाच पाहिजे, त्यासाठी सदैव प्रयत्नशील राहील.
*खासदार हेमंत पाटील*
हिंगोली लोकसभा
Comments
Post a Comment