तालुका प्रतिनिधी घोटी/किनवट:-
तुम्हाला संविधानाने दिलेल्या संधीचे सोने करा तुम्हाला शिक्षण मिळत आहे त्यांचा फायदा घ्या आणि आई-वडिलांचे स्वप्न पूर्ण करा असे प्रतिपादन क्रांतीसुर्य महात्मा ज्योतिराव फुले व महामानव डॉ. बाबासाहेब आंबेडकर संयुक्त जयंती निमित्त घेण्यात आलेल्या समाज प्रबोधन कार्यक्रमात ते बोलत होते कार्यक्रमाचे अध्यक्ष स्थानी आनंदरावजी वाढे (सेवानिवृत्त शिक्षण अधिकारी नांदेड ) होते तर कार्यक्रमाचे उद्घाटक अभियंता प्रशांत ठमके (भारतीय बौद्ध महासभा किनवट) हे होते स्वागताध्यक्ष अशोक कोसले यांनी सर्वांचे स्वागत केले
प्रमुख अतिथी म्हणून ॲड. प्रकाशजी गेडाम (अध्यक्ष आढावा समिती आदिवासी प्रकल्प किनवट ),
सुकुमार पेटकुले (अखिल भारतीय माळी महासंघ तेलंगणा ) हे मंचावर होते प्रमुख पाहुणे म्हणून सुनील बेहरे, प्राचार्या शुभांगीताई ठमके, सौ.निर्मलाबाई मेश्राम (सरपंच) राजू सुरोशे (उपसरपंच), ॲड सुनिल येरेकार, विकास कुडमेते, दत्ता कसबे ,जीवन कोटरंगे , प्रा. दगडू भरकड,अरविंद आत्राम ,लक्ष्मण भवरे ,बालाजी आत्राम, संदीप पेटकुले, अनुसया गरड, दीपिका येरमे, सुलोचना भवरे, बेबी मेश्राम ,शकुंतला राठोड ,बालाजी पावडे ,तुळशीराम गुरूनुले ,भारत सोनुले ,शशिकांत लढे , नूर सेठ आदी मान्यवर उपस्थित होते पुढे बोलताना प्राध्यापक कांगणे सर म्हणाले की प्रत्येकाला संविधानाने मूलभूत अधिकार कर्तव्य दिली आहे त्यामुळेच आपला भारत एक संघ सशक्त बनला आहे म्हणून संविधानाचे वाचन करा व संविधानाने दिलेल्या अधिकाराचा वापर करा तसेच नवयुवकांनी मतदानाचा अधिकार बजावला पाहिजे मतदानाचा टक्का वाढवला पाहिजे असे त्यांनी सांगितले. तसेच दुसऱ्यांचं स्टेटस बघत बसण्यापेक्षा स्वतःच स्टेटस बनवा जेणेकरून लोक तुमचा स्टेटस ठेवतील यानंतर त्यांनी महात्मा फुले यांच्या जीवन कार्यावर प्रकाश टाकला व त्यांचे मौलिक समाजकार्य सांगितले या कार्यक्रमास असंख्य युवक युवती विद्यार्थी पालक वर्ग , पत्रकार बांधव, गावकरी उपस्थित होते कार्यक्रमाचे आयोजन अखिल भारतीय माळी महासंघ शाखा घोटी तालुका किनवट यांनी केले होते कार्यक्रमाचे सूत्रसंचालन उत्तम कानिंदे यांनी केले तर आभार वाढे यांनी मानले.
Comments
Post a Comment