कु.मयुरी कुबडे हिचे दहावीत घवघवीत यश

नांदेड : येथील नेहरू इंग्लिश स्कूल मधील इयत्ता दहावी शिकणारी कु.मयुरी अशोक कुबडे हिने दहावी परीक्षेत नेत्रदीपक यश संपादन केले आहे. मयुरी कुबडे ही नांदेड येथील नेहरू इंग्लिश स्कूल सोमेश कॉलनी नांदेड या शाळेची विद्यार्थिनी असून नुकताच दहावी बोर्डाचा निकाल जाहीर झाला आहे.या परीक्षेत मयुरी कुबडे हिने ७५ % गुण घेतले आहेत. अथक परिश्रम, चिकाटी आणि मेहनतीच्या जोरावर अभ्यास करून हे यश मयुरी कुबडे हिने संपादन केले आहे. प्रसिद्ध साहित्यिक कादंबरीकार अशोक कुबडे यांची ही मुलगी आहे. इयत्ता दहावीत मिळालेल्या या यशाबद्दल तिचे सर्वत्र कौतुक करण्यात येत आहे. यावेळी  दत्ता डांगे,विजयकुमार चित्तरवाड,माजी शिक्षण संचालक गोविंद नांदेडे, जि.पण.सदस्य साहेबराव धनगे, पंडित पाटील,आनंद पुपलवाड,शितल शहाणे आदींनी तसेच आजोबा रामचंद्र कुबडे,अशोक कुबडे अर्चना कुबडे, सुनील कुबडे,वनिता कुबडे आदी परिवारातील मंडळींनी तिचे अभिनंदन केले आहे.