- सिंगापूर सोबत जपान आणि कॅनडामध्येही गोंडर कादंबरीचे वाचक
नांदेड : येथील प्रसिद्ध कादंबरीकार अशोक कुबडे यांची गोंडर ही कादंबरी साहित्य क्षेत्रात एक मैलाचा दगड ठरली असून कादंबरी विक्रीचे कादंबरी प्रसारणाचे आणि पुरस्काराचे अनेक विक्रम कादंबरीने मोडीत काढलेले आहेत. गोंडर ही कादंबरी जेव्हा प्रकाशित झाली तेव्हा प्रकाशनपूर्व पहिल्या आवृत्ती विकल्या गेली त्यानंतर सबंध महाराष्ट्रातील प्रत्येक जिल्हा आणि तालुका, खेडोपाडी ही कादंबरी वाचकांपर्यंत पोहोचली आहे. या कादंबरीला महाराष्ट्रातील मान्यवर एकूण सोळा पुरस्काराने सन्मानित करण्यात आले आहेत तसेच आकाशवाणीवर क्रमशः वाचनाने अभिवाचनाने ही कादंबरी अजून सर्वजण पोहोचली आहे.हे सर्व होत असताना कादंबरी ही बहुचर्चित कादंबरी म्हणून गोंडर कादंबरीचे नाव अग्रेसर आहे. अशातच गोंडर कादंबरीच्या नावलौकिकामध्ये अजून एक भर पडली असून गोंडर कादंबरी साता समुद्रा पार असं म्हटल्याप्रमाणे सिंगापूर येथे पोहोचली आहे. सिंगापूर येथे गोंडर या कादंबरीचे वाचक असून त्याचबरोबर जपान आणि कॅनडा या ठिकाणी सुद्धा गोंडर ही कादंबरी वाचकांपर्यंत पर्यंत पोहोचली आहे. या कादंबरीचे वाचक सबंध जगभर आहेत. असेही म्हणायला हरकत नाही. अशी गोंडर ही अशोक कुबडे यांची कादंबरी इसाप प्रकाशनाचे संचालक दत्ता डांगे सरांनी मानधनासह स्वीकारून प्रकाशित केली आहे आणि या कादंबरीने अनेक नवीन विक्रम केलेले आहेत.आज सिंगापूर येथेही पोहोचले आहे आपण एकीकडे वाचक नाहीत हा सूर साहित्यात असतांना गोंडर या कादंबरीच्या वाचकांच्या प्रतिसादाच्या माध्यमातून खरोखरच दर्जेदार साहित्याला वाचक आहेत अशी एक मोठी चर्चा गोंडर या कादंबरीच्या निमित्ताने साहित्य वर्तुळात होत आहे. अलीकडील महाराष्ट्रातील अनेक विक्रम मोडणारी ही कादंबरी आता सिंगापूरून अशोक कर्णिक या वाचकांनी हा कादंबरी चा फोटो टाकून साहित्य विश्वात एक खळबळ निर्माण केली आहे.यातून गोंडर ही कादंबरी सर्व दूर पोहोचल्याचे निदर्शनास येते. कादंबरीच्या सर्व दूर पोहोचण्याबद्दल,पुरस्काराबद्दल आणि लोकप्रियतेबद्दल कादंबरीचे लेखक अशोक कुबडे यांचे सर्व स्तरातून कौतुक आणि अभिनंदन होत आहे.
Comments
Post a Comment