कार्यक्रमात शिरखुर्माची मेजवाणी बरोबरच गरजूंना कपडे भेट देण्यात आले.
कार्यक्रमास टिपू सुलतान ब्रिगेडचे राष्ट्रीय अध्यक्ष मा. शेख सुभान अली यांची उपस्थिती.
किनवट : टिपू सुलतान ब्रिगेड नांदेडच्या वतीने मुहम्मद पैगंबर (स.स.) सर्वांसाठी अभियान 2022 अंतर्गत किनवट तालुक्यातील देवीनगर येथे आज 16 मे, 2022, सोमवार रोजी ईद मिलन कार्यक्रम अत्यंत अनोख्या रीतीने संपन्न झाला.
टिपू सुलतान ब्रिगेडचे राष्ट्रीय अध्यक्ष मा. शेख सुभान अली सरांच्या संकल्पनेतून महाराष्ट्रातील मुस्लिम समाज मागील पाच वर्षांपासून महाराष्ट्रातील शोषित, पीडित, वंचित बांधव, अनाथ मुले, निराधार आणि विधवा आई-बहिणी, आत्महत्याग्रस्त शेतकऱ्यांचे कुटुंब यांच्यासोबत ईद साजरी करत आहेत. कार्यक्रमात शिरखुर्माची मेजवाणी बरोबरच गरजूंना कपडे भेट देण्यात येतात.
टिपू सुलतान ब्रिगेड नांदेड तर्फे यावर्षीची ईद किनवट तालुक्यातील देवीनगर तांड्यातील आपल्या गोर बंजारा बांधवांसोबत साजरी करण्यात आली. सर्व गावकऱ्यांना शिरखुर्माची मेजवाणी देण्यात आली आणि अनाथ व गरजू मुलांना कपड़े भेट करण्यात आले.
कार्यक्रमाच्या अध्यक्षस्थानी देवीनगर तांड्याचे श्री. नाथु नायक होते आणि प्रमुख मार्गदर्शक म्हणून टिपू सुलतान ब्रिगेडचे राष्ट्रीय अध्यक्ष मा. शेख सुभान अली सर यांची उपस्थिती होती. शेख सुभान अली सर यांनी सर्वप्रथम उपस्थित बंजारा बांधवांची, आई-बहिणींची माफी मागितली की आम्हाला तुमच्यापर्यंत पोहोचण्यास खूप उशीर झाला. आम्ही आजपर्यंत अनेक ईद तुमच्याशिवाय, तुम्हाला सोडून साजऱ्या केल्या. इस्लाम शिकवितो की पृथ्वीतलावरील सर्व मानव एकच आहेत, भाऊ-भाऊ आहेत. भारतात भाऊ-बहिण जर उपाशीपोटी झोपत असेल तर आम्ही मुस्लिम होऊच नाही शकत. सर्व बहुजन बांधवांत एकोपा, प्रेम आणि बंधुभाव वृद्धिंगत करणे, सांप्रदायिक सदभाव आणि सलोखा वाढविणे, राष्ट्रीय एकात्मता आणि अखंडता अबाधित राखणे, देशसेवा आणि मानव सेवेस समर्पित युवा पिढी तयार करणे हा या अभियानाचा मुख्य उद्देश्य असल्याचे त्यांनी सांगितले. ते पुढे म्हणाले की बहुजन युवकांनी काही राजकारण्यांच्या मानवता विरोधी, देशविरोधी मानसिकतेला बळी पडू नये.
कार्यक्रमाचे प्रस्ताविक टिपू सुलतान ब्रिगेडचे प्रदेश अध्यक्ष डाॅ. ज़हीरूद्दिन पठान यांनी केले. त्यांनी मुहम्मद पैगंबर स.स. सर्वांसाठी अभियान आणि ईद मिलन कार्यक्रमा मागची भूमिका विशद केली. गोर सेनेचे नांदेड जिल्हाध्यक्ष ॲड. प्रदीप डी. राठोड यांनी यावेळी आपल्या मनोगतात टिपू सुलतान ब्रिगेड आणि त्याच्या सर्व पदाधिकाऱ्यांना शुभेच्छा दिल्या.
कार्यक्रमाला देवीनगरचे प्रतिष्ठित नागरिक गेम सिंग राठोड, बुजुर्ग महिला यशोदाबाई राठोड, गोरसिकवाडीचे मा. विष्णु लालसिंग डुंगावत राठोड, गोरसेना तालुका अध्यक्ष अतुल राठोड, पत्रकार सेवा संघाचे मराठवाडा सरचिटणीस मा. आनंद भालेराव, पत्रकार सेवा संघाचे तालुकाध्यक्ष मा. आशिष शेळके, पत्रकार सेवा संघाचे मा. प्रणय कोवे आणि रमेश परचाके, जमीयते उलेमाचे माहूर अध्यक्ष मौलाना सनाउल्ला खान, जमात-ए-इस्लामी हिंदचे डाॅ. मुखीत, टिपू सुलतान ब्रिगेडचे नांदेड जिल्हा संघटक फयाज पठाण, धर्माबाद तालुका अध्यक्ष खुर्रम बेग पटेल, तालुका उपाध्यक्ष इब्राहिम बेग पटेल, तालुका सचिव सय्यद शाहिद अली, उमरी तालुका अध्यक्ष सय्यद फेरोज पटेल, मुदखेड तालुका अध्यक्ष मुजीब अहमद, इ. ची उपस्थिती होती.
कार्यक्रम यशस्वी करण्यासाठी टिपू सुलतान ब्रिगेड नांदेड उत्तरचे जिल्हाध्यक्ष सय्यद नदीम, विष्णु राठोड, सुभाष राठोड, शेख अजमल, शेख ज़ुबेर, साहिल खान, शेख मुनव्वर, शेख शकील, शेख सोनू, सय्यद अलीम यांनी विशेष परिश्रम घेतले.
Comments
Post a Comment