एक -एक शब्द एक ग्रंथ निर्माण करते.प्रत्येक शब्द म्हणजे भाषा आहे. शब्द वाढल्याशिवाय भाषा वाढणार -प्रा. डॉ. वैजनाथ अनमुलवाड "मराठी भाषा संवर्धन पंधरवडा ऑनलाईन कार्यक्रमात यांचे गौरवोद्गार"
(किनवट वृतांत:)
एक -एक शब्द एक ग्रंथ निर्माण करते.प्रत्येक शब्द म्हणजे भाषा आहे. शब्द वाढल्याशिवाय भाषा वाढणार नाही.असे मत स्वामी रामानंद तीर्थ मराठवाडा विद्यापीठ ,नांदेड भाषा, वाङमय व संस्कृती अभ्यास संकुल आणि बळीराम पाटील कला, वाणिज्य व विज्ञान महाविद्यालय, किनवट मराठी विभाग यांच्या संयुक्त विद्यमाने आयोजित मराठी भाषा संवर्धन पंधरवडा निमित्त कार्यक्रमात प्रा. डॉ. वैजनाथ अनमुलवाड यांनी व्यक्त केले.प्रारंभी पूज्य वंदनीय स्वामी रामानंद तीर्थ, थोर समाजसुधारक बळीराम पाटील यांच्या विचारांना अभिवादन करण्यात आले.
हा कार्यक्रम किनवट शिक्षण संस्थेचे अध्यक्ष प्रफुल्ल राठोड यांच्या मार्गदर्शनाखाली घेण्यात आला.कार्यक्रमाची सुरुवात प्राचार्य सुरेश पाटील यांच्या स्वागत गीताने झाली. कार्यक्रमाचे अध्यक्ष महाविद्यालयाचे प्राचार्य डाॅ.एस.के.बेंबरेकर होते.मराठी भाषा संवर्धन पंधरवडा कार्यक्रमाचे उदघाटक म्हणून प्रा. डॉ.वैजनाथ अनमुलवाड, तर प्रमुख पाहुणे प्रसिध्द वक्ते डॉ. आनंद इंजेगावकर उपस्थित होते.कार्यक्रमाचे प्रास्ताविक व सूत्रसंचालन मराठी विभागप्रमुख प्रा.डाॅ.पंजाब शेरे यांनी केले.पुढे बोलतांना डॉ. अनमूलवाड सर म्हणाले,मराठी भाषा समृद्ध करावी लागणार आहे. अनेक बोलीतून भाषा तयार होत असते. प्रत्येक भाषा एक वेगळे अस्तित्व निर्माण करीत असते.आपल्या सर्वांना भाषिक लोक चळवळ गतीमान करावी लागणार आहे. मातृभाषेतून शिक्षण मिळावे. बहुभाषिक शाळा हवी असे मत व्यक्त करुन या वेबिनारचे उदघाटन झाल्याचे जाहीर केले.
प्रमुख पाहुणे डॉ. आनंद इंजेगावकर यांनी आपल्या व्याख्यानातून, मराठी भाषिकांनी नवे नवे शोध लावावे. नव्या शोधातून पर्यायी शब्द निर्माण करावे. मराठी भाषा मरणार नाही. तिचे संवर्धन करावे. भाषेला जपावे असे मत व्यक्त केले. अध्यक्षीय समारोप प्राचार्य डाॅ. एस. के. बेंबरेकर यांनी केला आहे.
या आॅनलाईन वेबिनारमध्ये भारत जोडो युवा अकादमीचे अध्यक्ष डॉ. अशोक बेलखोडे, पर्यवेक्षक प्रा. अनिल पाटील, प्रा. डॉ. सुरेंद्र शिंदे,याच्यासह मराठी भाषेचे विद्यार्थी ,संशोधक ,अभ्यासक उपस्थित होते. आभार, डॉ. पंजाब शेरे यांनी मानले.
Comments
Post a Comment